Нерюнгрига киһи өлүүлээх иэдээн таҕыста

Нерюнгри оройуонугар 36 саастаах эр киһи өлүгүн умайбыт дьиэттэн булбуттар. Полиция үлэһиттэрэ уорбаланааччыны туппуттар.

Холуобунай дьыала матырыйааллара көрдөрөрүнэн, эмсэҕэлээччи бэйэтин кыбартыыратыгар билэр эр киһитин кытта арыгылаабыт.

Аһыы утаҕы иһии кэмигэр кыыһырсан турбуттар, уорбаланааччы дьиэлээх хаһаайыны төбөҕө охсубут уонна таҥас ыйыыр быанан муомахтаан өлөрбүт. Оҥорбут буруйун кистээн кини эмсэҕэлээччи дьиэтин уоттаабыт.

Билиҥҥи туругунан силиэстийэлиир үлэ ыытыллар.