Нерюнгрига дьахтары өлөрүүгэ уорбаланар эр киһи тутулунна

Нерюнгри куоратын силиэстийэлиир отдела киһини өлөрүүгэ холуобунай дьыаланы силиэстийэлиир.

Барыллаан быһаарыынан,   ыам ыйын 24 күнүгэр Нерюнгри куоракка Геологтар проспегар  уопсастыбаннай тырааныспар тохтобулун кэннигэр быһаҕынан анньыллыбыт дьахтар өлүгэ булуллубут.

Ол киэһэтигэр дьахтары өлөрүүгэ уорбаланар 40 саастаах эр киһи тутуллубут. Суут быһаарыытынан эр киһини хаайбыттар.

Билигин дакаастабылы хомуйууга силиэстийэлиир уонна процессуальнай тэрээһиннэр ыытыллаллар, диэн Саха сиринээҕи Силиэстийэлиир кэмитиэтин пресс-сулууспата суруйар.