Нерюнгри куорат бастакы тутааччылара Анна Петровна уонна Василий Петрович Станковтар кыһыл көмүс сыбаайбаны бэлиэтээтилэр. Бу туһунан Нерюнгри сонуннара сайт суруйар. Кэргэнниилэр 1973 сыллаахха билсэн баран эһиилигэр, 1974 c ыам ыйын 24 күнүгэр ыал буолбуттар.
Доҕотторо Нерюнгри куорат тутуутугар үлэҕэ ыҥырбыттарыгар, уһуну-киэҥи толкуйдаабакка Апшеронск куораттан көһөн кэлбиттэр.Олох бары уустуктарын көрсөн, уопсайа 45 сыл устата кинилэр Нерюнгри куоракка олороллор. Иккиэн үлэ бэтэрээннэрэ. Икки кыыс оҕону төрөтөн, иитэн, ыал оҥортоон билигин биэс сиэни, үс хос сиэни биэбэйдииллэр. Эйэлээх, бөҕө тирэхтээх дьиэ кэргэн үгүс дьоҥҥо холобур.
Кыһыл көмүс сыбаайбалаахтары Нерюнгри оройуонун социальнай управлениетын уонна ыччат бэлиитикэтин салайааччыта Анастасия Палагина эҕэрдэлээтэ. Кини оройуон баһылыгын аатыттан эҕэрдэ суругу уонна өйдөбүнньүк бэлэҕи туттарда.
Быйыл дойду үрдүнэн дьиэ кэргэн сыла биллэриллибитинэн, Нерюнгри оройуонун дьаһалтата оройуоҥҥа олорор кыһыл көмүс сыбаайбаны бэлиэтиир дьиэ кэргэттэргэ 50 тыһ.солк. төлөбүрү көрдө. Бу көмө миэрэтин туһанарга оройуон социальнай управлениетыгар сайаапка түһэриллиэхтээх.
Дьокуускайга Стадухина уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ. Бу…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…
Саха сиригэр хаһаайына суох бэйдиэ сылдьар кыыллары иитии тэрээһиннэригэр үбүлээһини улаатыннаран, 100 мөл. солк. диэри тиэрдэр…
Социальнай харысхал өрөспүүбүлүкэтээҕи комплекснай киинэ Донбасска Хотугулуу-илиҥҥи көмөнү уонна өйөбүлү оҥоруу пуондатыгар ПАЗ-32054 оптуобуһу туттарда.…