Нерюнгрига муммут эр киһини уонна хат дьахтары буллулар

Бэҕэһээ, балаҕан ыйын 18 күнүгэр, киэһэ 19:15 чааска 112 нүөмэргэ Нерюнгри оройуонугар баар Энергетик диэн даачалар түөлбэлэригэр дьон күүлэйдии сылдьан тыаҕа муммуттарын туһунан иһитиннэрии киирбит. Муммут дьонтон биирдэстэрэ төлөпүөннээбит.

Дьон сүппүт сиригэр Нерюнгритааҕы быыһыыр-көрдүүр этэрээт тиийбит. 20:20 чааска сүппүт дьону булбуттар — эр киһини уонна хат дьахтары. Кинилэри тус тырааныспардарыгар диэри арыаллаабыттар, мэдиссиинэ көмөтүгэр наадыйбатахтар.

Бу туһунан СӨ Быыһыыр сулууспатын пресс-сулууспата иһитиннэрэр.