sakha.gov.ru ылылынна
Нерюнгрига Олоҥхо ыһыаҕын ыытарга бэлэмнэнии хаамыыта СӨ Бырабыыталыстыбатын Бэрэссэдээтэлин солбуйааччы Сергей Местников ыыппыт мунньаҕар көрүлүннэ.
Далааһыннаах тэрээһин Нерюнгри 50 сылыгар ананар.
—Олоҥхо ыһыаҕар диэри ыйтан эрэ ордук кэм хаалла. Тэрээһини үрдүк таһымнаахтык ыытар туһуттан, хайысхаларынан эппиэттээх бөлөхтөр бары үлэлэрин көҕүлүүллэрэ, күүһүрдэллэрэ наада. Аныгыскы нэдиэлэҕэ Нерюнгрига култуура уонна успуорт хамыыһыйалара кыттыылаах көһө сылдьар мунньаҕы былаанныыбыт, — диэтэ Сергей Местников.
Ил Дархан сорудаҕынан тупсарыллар «Амикан» паарка — Олоҥхо ыһыаҕын сүрүн былаһааккатынан буолар. Ыһыахха сиэри-туому, сүрүн тэрээһиннэри, куонкурустары, спортивнай күрэхтэһиилэри ыытарга 16 эбийиэк тутулла турар.
Ыһыах аһыллыытыгар уонна сабыллыытыгар 1,5 тыһ.киһи кыттыыны ылыаҕа. Кинилэр ортолоругар 250 — судаарыстыбаннай тыйаатырдар артыыстара, култуура уонна ускуустуба үөрэҕин кыһатын устудьуоннара, бастыҥ уус-уран кэлэктииптэр.
Тэрээһин аһыллыытын уонна сабыллыытын сиэригэр-туомугар элбэх национальностаах сир устуоруйатын уонна үгэстэрин билиһиннэриэхтэрэ. Бэлэмнэнии бэс ыйын 24 күнүттэн саҕаланар.
Мунньах түмүгэр Бырабыыталыстыба Бэрэссэдээтэлин солбуйааччы эбийиэктэри тутууну уонна сири-уоту тупсарыыны тэтимирдэн биэрэргэ, ыһыах кыттааччыларын уонна ыалдьыттарын олохтуурга эбии миэстэлэри бигэргэтэргэ, бэлэмнэнэр бөлөхтөр барыахтаах кыраапыктарын чуолкайдыырга, ыһыах аһыллыытын уонна сабыллыытын сценарийын сөбүлэһиннэрэргэ сорудахтаата.
Олоҥхо ыһыаҕа Нерюнгри улууһугар от ыйын 4-5 күннэригэр ыытыллар.
Ыһыах бырагырааматыгар 70-тан тахса тэрээһин баар, онно өрөспүүбүлүкэтээҕи куонкурустар уонна спортивнай күрэхтэһиилэр киирэллэр. Тоҕус хайысханан 47 күөн күрэс ыытыллыаҕа, олоҥхоһуттар, оһуохайдьыттар, хомусчуттар, кылыһах-кырыымпа, «Девэйдэ», уо.д.а. киирэллэр. Уран уустар, иистэнньэҥнэр, уо.д.а. былааннанар. Маны таһынан, испэктээктэр көрдөрүллүөхтэрэ, быыстапкалар, күргүөмүнэн хомустааһын, уус-ран кэлэктииптэр кэнсиэртэрэ, күүтэр.
Сиһилии: https://www.sakha.gov.ru/news/5495 көрүөххүтүн сөп.
СӨ Ил Дарханын уонна Бырабыыталыстыбатын пресс-сулууспата
Бүгүн киэһэ Креативнай индустрия пуорум сабыллыытын дьоро киэһэтигэр БРИКС+ стартап эспэдииссийэ киинэ, сценарий суруйуу, анимация…
Бүгүн, ыам ыйын 31 күнүгэр, Смарт-бибилэтиэкэҕэ «Кэскил» оҕо кыһата СӨ Инновационнай сайдыытын пуондатын кытта оҥорбут…
Дойдуга 2028-2030 сылларга дойду үрдүнэн кырдьан эрэр клеткалары чөлүгэр түһэрэр эми-тому оҥорон киллэрэр былааннаахтар, диэн…
Аллайыаха улууһун Бөрөлөөх нэһилиэгин олохтоохторо олус көхтөөхтөр. Киин сиртэн уонна улуустан тэйиччи олоробут диэбэттэр. Тэрээһиннэрэ…
Сарсын, бэс ыйын 1 күнүгэр, Саха сирин синоптиктара Усуйаанаҕа, Эбээн Бытантайга сөкүүндэҕэ 15-20 м. түргэннээх…
Арассыыйа үрдүк үөрэҕин кыһатыгар төлөбүрдээх үөрэх дипломун сыаната 2025 сылтан быдан үрдүк буолуоҕа. Сыана ортотунан…