Хаартыска: Ааптар түһэриитэ
Олунньу 5 күнүгэр быйылгы Олоҥхо ыһыаҕа ыытыллыахтаах Нерюнгри куоракка «Нерюнгри оройуонугар Олоҥхо ыһыаҕа: эпостан — култууралар кэпсэтиилэригэр» научнай-бырактыычаскай кэмпириэнсийэ саҕаланна.
Өрөспүүбүлүкэ улуустарыттан, куораттарыттан, атын эрэгийиэннэртэн кэлбит ыалдьыттары тимир суол вокзалыгар кымыһынан айах тутан көрүстүлэр уонна оһуохайга ыҥырдылар.
Эбиэт кэннэ Иенгра сэлиэнньэтигэр «Сохраняя дух народа: язык, культура, традиции эвенков Иенгры» «төгүрүк остуол» кыттыылаахтара сиэссийэлэринэн арахсан үлэлээтилэр. Г.М. Василевич аатынан Иенгра орто оскуолатыгар мустубут ыалдьыттары СӨ Судаарыстыбаннай мунньаҕын бэрэссэдээтэлин солбуйааччы Александр Жирков, СӨ Култуураҕа уонна духуобунай сайдыыга миниистирин солбуйааччы Мария Турантаева, Иенгра баһылыга Юрий Юхновец эҕэрдэлээтилэр. Александр Николаевич Олоҥхо ыһыаҕар икки төрүт норуот: саха уонна эбэҥки нэһилиэстибэлэрин алтыһыылара буолуоҕун бэлиэтээтэ уонна Мииринэйгэ, Алдаҥҥа буолбут ыһыахтары холобурдаата. «Төгүрүк остуол» кэмигэр эбэҥки норуотун куукулаларын, маһынан ынах-сүөһүнү, табаны кыһан оҥорууга уо.д.а. маастар-кылаастарга олус көхтөөхтүк кытыннылар. Ону сэргэ Евгений Марков салайааччылаах «Икэн» оскуола оҕолорун бөлөҕө норуот үнүстүрүмүөннэринэн чахчы да айылҕа муусукатын оонньоон иһитиннэрдэ. Оскуола мусуойа олус баай ис хоһоонноох, эспэнээттэри үөрэнээччилэр бэйэлэрэ хомуйаллар, эбэҥки култуурата, тыла сүппэтигэр дириҥ ис хоһоонноох дакылааттары оҥороллор. Иенграҕа олус өрө көтөҕүллэн ыытыллыбыт тэрээһин оскуола оҕолорун уонна учууталлар туруорбут испэктээктэринэн түмүктэннэ.
Киэһээ Нерюнгрига А. Пушкин аатынан Култуура киинигэр улуустар дэлэгээссийэлэрин уонна Нерюнгрига норуоттар уопсастыбаннай тэрилтэлэрин фольклорга кэнсиэртэрэ буолла. Манна өрөспүүбүлүкэ олорор норуоттар эпостарыттан көрдөрдүлэр.
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…