Хаартыска: Андрей Сорокин, СИА
Нерюнгри куорат борокуратуурата улахан суумалаах наркотигы эргиниигэ үс киһиэхэ, ол иһигэр саастаах дьахтарга судаарыстыбаннай буруйдааһыннарын таһаарда.
Суут быһаарыытынан, дьахтар төһө да саастааҕын үрдүнэн тэриллиилээх бөлөххө киирбит. Сахалинскай уобалаһын Южно-Сахалинск куоратыгар наркотигы тарҕатыынан дьарыктаммыта быһаарылынна. Ол курдук, 2024 сыл бэс ыйыгар кини наркотигы сокуоннайа суох эргиниигэ кэргэнин уонна кыыһын кыттыһалларыгар сүбэлээбит. Ол кэннэ тэрийээччи сорудаҕынан Новосибирскай уобаласка кистэммит наркотигы ылбыттар уонна салгыы Нерюнгри куоракка тарҕатарга айаннаабыттар.
Бу кэмҥэ уорбаланааччы дьахтар Южно-Сахалинск куораттан буостанан атыыга наадалаах маллары хомуйан ыыппыт. Нерюнгри куоракка кэлэн сууттанааччылар хара дьыалаларын ситэ толорботохтор. ФСБ үлэһиттэрэ уорбаланааччылары туппуттар. Силиэстийэ кэмигэр буруйданааччылар буруйдарын толору билимиттэр.
Холуобунай дьыала көрүллүүтүн түмүгэр, уорбаланааччылар 12 сылга болдьоххо ураты эрэсиимнээх холуонньаҕа көҥүллэрэ быһылынна, ону кытта 8 сыл уонна 7 сыл 6 ый устата ураты эрэсиимнээх холуонньаҕа хаайылыннылар.
Суут бириигэбэрэ сокуоннай күүһүгэр киирэ илик, диэн СӨ Борокуратууратын пресс-сулууспата суруйар.
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…