Хаартыска: Тутуу министиэристибэтин пресс-сулууспата.
Дьокуускайга Нерюнгри оройуонун күннэрин чэрчитинэн тутуу миниистирэ Виктор Романов оройуон баһылыга Роман Щегельняктыын көрүстэ.
Инфраструктураны сайыннарыыны уонна Нерюнгри 50 сыллаах үбүлүөйүгэр бэлэмнэниини дьүүллэстилэр.
Быйыл Нерюнгри үбүлүөйдээх сылыгар биир сүрүн түгэнинэн оройуоҥҥа Олоҥхо Ыһыаҕа ыытыллара буолар. Бу тэрээһиҥҥэ бэлэмнэнэн, өрөспүүбүлүкэтээҕи “Мин Сахам сирэ 21 үйэҕэ” хамсааһын чэрчитинэн улахан тутуу үлэтэ ыытыллар. 16 эбийиэк тутуллар, ол иһигэр алгыс сиэрин-туомун ыытар түһүлгэ, норуот оонньууларын былаһаакката, этническэй үөрэхтээһин киинэ уо.д.а.
Ураты болҕомто дьону саахалланар туруктаах дьиэлэртэн көһөрүүгэ уурулунна. 2024 сыл алтынньытыгар «Квартал Р» саҥа кыбаартал бастакы уочаратыгар дьону көһөрүү саҕаламмыта, манна наадалаах инфраструктуралаах аныгы элбэх кыбартыыралаах дьиэлэр тутуллуохтара. Уопсайа Нерюнгри оройуонугар хаарбах туруктаах дьиэттэн көһөрүү бырагырааматыгар 2017 сыл тохсунньу 1 күнүгэр диэри саахалланар туруктааҕынан билиниллибит элбэх кыбартыыралаах 186 дьиэ киирбитэ.
Ону тэҥэ 2025 сылга үлэҕэ киириэхтээх куортамҥа бэриллэр дьиэни тутуу бырагырааматын дьүүллэстилэр. Нерюнгрига 192 кыбартыыралаах үс дьиэ тутуллуоҕа, олору элбэх оҕолоох ыалларга, эдэр исписэлиистэргэ уонна социальнай эйгэ үлэһиттэригэр чэпчэтиилээх усулуобуйанан куортамҥа биэриэхтэрэ, диэн иһитиннэрэр Тутуу министиэристибэтин пресс-сулууспата.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…