Нерюнгрига шахта үлэһиттэрин тиэйэн испит массыына суулунна

Бу сарсыарда Денисовскайдааҕы хайаны байытар кэмбинээккэ быһылаан тахсыбытын туһунан  ЫБММ иһитиннэрэр.

Барыллааһын быһыытынан,  от ыйын 21 күнэ үүнэр түүнүгэр «Восточная Денисовская» шахта үлэһиттэрин тиэйэн испит  «КамАЗ»  массыына  30 м. үрдүктээх сиртэн  сууллубут.

Быһылаан тахсыбыт сиригэр билигин суһал сулууспалар, тэрилтэ үлэһиттэрэ үлэлииллэр. Уопсайа  44 киһи уонна  13 техника.

Маны таһынан Нерюнгри борокуратуурата бэрэбиэркэ ыытан саҕалаата.

Массыынаҕа 35 киһи олорсон испит. Хомойуох иһин, 14 киһи өлбүт, 7 киһи улахан эчэйиини ылбыт.