Нерюнгрига сулууспалыыр эбээһинэстэрин ситэри толорботохторго холуобунай дьыала тэрилиннэ

СӨ Борокуратууратын матырыйаалларынан, РФ Силиэстийэлиир кэмитиэтин Саха сиринээҕи салаатын Нерюнгри куорат силиэстийэлиир отдела сулууспалыыр эбээһинэстэрин ситэри толорботох чахчыларынан Нерюнгри оройуонун ИДьМ сулууспатыгар холуобунай дьыала тэрийдэ.

Силиэстийэ чахчыларынан, Нерюнгри куорат олохтооҕо көҥүлэ быһыллыбыт сириттэн босхоломмутун кэннэ, киһи быраабын кэһии иһин административнай эппиэтинэскэ хас да төгүл тардыллыбыта уонна бэрээдэги араҥаччылыыр надзорга түбэспитэ.

Ол эрээри, Нерюнгри оройуонун ИДьМ сулууспата эр киһини профилактическай учуокка туруорууга сөптөөх миэрэни ылбатах. Түмүгэр көрүүтэ-истиитэ суох буруйданааччы 2023 сыл кулун тутар ыйыгар киһи доруобуйатыгар соруйан ыарахан буруйу оҥорбут.

Билигин холуобунай дьыалаҕа баар быһыыны-майгыны олохтуурга туһуламмыт силиэстийэлиир дьайыылар үлэлэрэ  ыытыллаллар.