Нерюнгрига суол саахалыгар түбэспит киһи доруобуйатын туруга ыарахан

Нерюнгри оройуонугар «Денисовскай» ГОК сиригэр-уотугар тахсыбыт суол саахалыгар түбэспит дьонтон биирдэстэрин доруобуйатын туруга ыарахан, иккис киһи орто ыарахан туруктаах балыыһаҕа сыталлар. Бу туһунан СӨ Доруобуйа харыстабылыгар министиэристибэтэ иһитиннэрэр.

Ил Дархан Айсен Николаев сорудаҕынан СӨ Бырабыыталыстыбатын бэрэссэдээтэлин солбуйааччы Георгий Степанов уонна доруобуйа харыстабылын миниистирэ Лена Афанасьева 2-с №-дээх Өрөспүүбүлүкэтээҕи балыыһаҕа — Суһал мэдиссиинискэй көмө киинигэр сырыттылар. Кинилэр суол саахалыгар эмсэҕэлээбит дьон туруктарын кытта билистилэр.

«Сүрүн бырааһы уонна кини солбуйааччытын кытта Георгий Михайлович уонна Лена Николаевна эмсэҕэлээбиттэри кытта кэпсэттилэр, чөлүгэр түһүү хамсааһыннарын кытта билистилэр. Кинилэргэ толору мэдиссиинискэй көмө көрүллэр», — диэн СӨ Доруобуйа харыстабылыгар министиэристибэтэ иһитиннэрэр.