Хаартыска: ЯСИА
Сэтинньи 6 күнүгэр Нерюнгри куоракка тулаайах оҕолорго уонна төрөппүт көрүүтэ-харайыыта суох хаалбыт оҕолорго Виктор Ждамиров уулуссатыгар тутуллубут саҥа тоҕус этээстээх дьиэттэн кыбартыыра күлүүстэрин үөрүүлээх быһыыга-майгыга туттардылар.
Дьиэ маанылаахтарын Соҕурууҥҥу Саха сирин киин куоратын үбүлүөйүгэр кэлбит Ил Дархан Айсен Николаев эҕэрдэлээтэ уонна кинилэри кытта саҥа кыбартыыралары көрдө.
«Нерюнгри куорат бүгүн бэлиэ күнүн, төрөөбүт күнүн бэлиэтиир. Бу бэлиэ күҥҥэ өрөспүүбүлүкэ Бырабыыталыстыбатын, оройуон дьаһалтатын, тутааччылар хамаандаларын бииргэ үлэлээһиннэрин түмүгэр тулаайах оҕолору өйүүр судаарыстыбаннай бырагыраама чэрчитинэн уон кыбартыыра күлүүһүн туттарарбыт икки бүк үөрүүлээх. Дойду бэрэсидьиэнин Владимир Путин өйөбүлүнэн бу бырагырааманы салгыы олоххо киллэрэн иһиэхпит диэн эрэнэбин. Саҥа дьиэлээхтэри эҕэрдэлиибин, дьиэҕит-уоккут мэлдьи маннык кэрэ, аныгы буоллун, уһун сылларга эрэллээхтик сулууспалаатын», — диэн Айсен Николаев эҕэрдэ тылыгар эттэ.
Дьиэ Нерюнгри куорат Арассыыйа Бэрэсидьиэнэ Владимир Путин бигэргэппит маастар-былаанын чэрчитинэн тутулла турар «Р» кыбаарталга баар. 63 кыбартыыралаах дьиэҕэ тулаайах оҕолорго анаан 10 кыбартыыра атыылаһыллыбыт. Кыбартыыралар бары «под ключ» туруктаах, сантехникалаах, оһохтоох туттарыллыбыттар. Хас биирдии кыбартыыраҕа тыаҕа уонна куоракка көстүүлээх панорамнай лоджия баар. Билиҥҥи туругунан Нерюнгрига «Р» кыбаарталга турар дьиэттэн өссө 7 кыбартыыраны тутан эрэллэр. Бу кыбартыыралар эмиэ тулаайах оҕолорго быйыл сэтинньи ый устата бэриллиэхтэрэ. Өрөспүүбүлүкэ судаарыстыбаннай бүддьүөтүттэн 2025 сыллаахха тулаайах оҕолорго дьиэ атыылаһарга Нерюнгри оройуонугар 88 мөл. солкуобайтан тахса үп-харчы көрүлүннэ. Уопсайа Нерюнгри «Р» кыбаарталыгар баар икки дьиэттэн 17 кыбартыыра атыылаһыллыбыт. Өссө икки киһи харчынан сэртипикээт ылан, олорор дьиэ атыыласпыттар.
Мукучу нэһилиэгэр олунньу 14 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо сылларыгар…
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит…