Хаартыска: Улуус.Медиа
Нерюнгригэ чэпчэтиилээх арендаҕа аналлаах бастакы олорор дьиэ комплексын үлэҕэ киллэриэхтэрэ.
«Покровские ворота» диэн комплекс 192 кыбартыыралаах буолар. Нерюнгригэ Кравченко уулуссатыгар «Доступное арендное жильё в ДФО» бырагырааманан тутуллар. Эбийиэги быйыл үлэҕэ киллэрэр былааннаахтар. Бу туһунан «Саха» НКИХ Нерюнгритээҕи филиалыгар Ил Дархан Айсен Николаев эттэ.
«Нерюнгри бу бырагырааманы олоххо киллэрэргэ биир бастакы оройуонунан буолуохтаах. Тутааччылар туруоруллубут сыалы-соругу кыайа-хото туталларыгар эрэнэбин. Онон улахан олорор дьиэ комплекса сыл бүтүөр диэри туттарыллыа дии саныыбын. Аттынан ааһан иһэн көрдөхпүнэ, үлэ бара турар«, — диир Ил Дархан.
Бу бырагырааманан Нерюнгригэ «Р» түөлбэҕэ өссө биир дьиэни тутан киллэриэхтэрэ. Бу дьиэни 2026 сыл бүтүүтүн диэки үлэҕэ киллэрэр былааннаахтар.
2025 сылга Саха сиригэр уопсайа үс эбийиэк тутуллан киириэхтээх. Нерюнгригэ 192 кыбартыыралаах комплексы таһынан, Дьокуускайга 141 кыбартыыралаах дьиэ, Алдаҥҥа 28 кыбартыыралаах тутуу былааннанар.
Сиһилии https://sakha.gov.ru/news/front/view/id/3482057 киирэн көрүҥ.
СӨ Ил Дарханын уонна Бырабыыталыстыбатын пресс-сулууспата
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…