Муус устар 2-7 күннэригэр Дьокуускайдааҕы өрөспүүбүлүкэтээҕи офтальмологическай клиническэй балыыһа исписэлиистэрэ Нерюнгри оройуонугар үлэлээтилэр. Хирург-быраастар Екатерина Басова уонна Ирина Григорьева салалталарынан 100-тэн тахса киһини эпэрээссийэлээтилэр.
“Үс сыллааҕыта бачча элбэх буолбатах этилэр, үгүс ыарыһахтар атын куораттарга эпэрээссийэҕэ бэйэлэрин үптэринэн бараллара. Билигин маны барытын босхо уонна дойдуларыгар оҥоттороллор”, — диэтэ ЯРОКБ кылаабынай бырааһа Иван Луцкан.
Билигин маннык биригээдэ Алдан оройуонугар үлэлиир, онно 107 киһини көрүөхтээхтэр. Офтальмолог-быраастар 2024 сылга үлэлэрин Мэҥэ Хаҥалас улууһуттан саҕалаабыттара. Кинилэр көрдөрүнээччилэргэ ыарыыларын быһаарбыттара, сорохторун Дьокуускайга ыыппыттара. Ити үлэ түмүгэр улуус 60 тахса олохтооҕор эпэрээссийэ оҥорбуттар.
Бастакы кыбаарталга тустаах биригээдэ Анаабыр, Абый, Орто Халыма, Сунтаар, Ньурба, Үөһээ Бүлүү уонна Бүлүү оройуоннарыгар сылдьыбыта.Ону тэҥэ былаан быһыытынан КАМАЗ баазатыгар көһө сылдьар офтальмологическай комплекс Алдан, Өймөкөөн, Уус Маайа оройуоннарыгар уонна Магадан уобалаһыгар тиийбитэ.
Анал оборудованиеларын харах быраастара бэйэлэрин кытта илдьэ сылдьаллар. Эпэрээссийэ кэмигэр баара-суоҕа 2 миллимиэтири быһаллар. Онон эпэрээссийэ кэнниттэн ыарыһах тута даҕаны дьиэлиэн сөп.
Санатан эттэххэ, быраастар көһө сылдьан эмтээһиннэрэ Саха сирин Ил Дарханын Айсен Николаев сорудаҕынан тэриллэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…
Соторутааҕыта успуорт эйгэтиттэн өссө биир үөрүүлээх сонун кэллэ. Эдэркээн Айаал Сивцев паралимпиецтарга чэпчэки атлетикаҕа дьаадыраны…