Нерюнгригэ икки дьиэ тутулунна

Нерюнгри куорат Р түөлбэтигэр икки дьиэ үлэҕэ киирээри турар. Бу туһунан СӨ Тутууга министиэристибэтиттэн иһитиннэрэллэр.

Дьиэлэр уопсай иэннэрэ 7,4 тыһ.кв.м. Бу хаарбах дьиэттэн саҥаҕа көһөөччүлэргэ ананан тутуллубуттар.

Кэлимник тутуу чэрчитинэн, бу түөлбэҕэ барыта 125,6  тыһ.кв.м. олорор дьиэ тутуллара былааннанар. 2026  сыл бүтүөр диэри бастакы түһүмэх түмүктэниэхтээх, онно уопсайа 59 тыһ.кв.м. иэннээх 14 дьиэ тутуллуохтаах.

Дьиэлэри «УК Колмар» ХЭУо уонна «СЗ «Сервис-Интегратор» ХЭУо туталлар.

Санатан эттэххэ, хаарбах туруктаах дьиэттэн көһөрүү аадырыстаах бырагыраама «Олорор дьиэ уонна куорат эйгэтэ» национальнай бырайыак иитинэн олоххо киллэриллэр.

Сиһилии https://www.sakha.gov.ru/news/front/view/id/3383216 манна ааҕыҥ.

СӨ Ил Дарханын уонна Бырабыыталыстыбатын пресс-сулууспата