Андрей Сорокин хаартыскаҕа түһэриитэ, СИА
Социальнай бырайыактары олоххо киллэрии боппуруоһун Ил Дархан Айсен Николаев уонна Нерюнгри оройуонун баһылыга Роман Щегельняк көрсөн кэпсэтиилэригэр дьүүллэстилэр.
Нерюнгри куорат маастар-былааныгар биир бырайыагынан «Мужество» диэн оҕо лааҕырын тутуу киирэр. 1980 сыллаахха тутуллубут лааҕыр сезоҥҥа 300 оҕо сылдьарыгар суоттаммыт.
Саҥа лааҕыры тутарга бырайыактыыр-симиэтэ докумуона оҥоһуллубут. Манна биир симиэнэҕэ 500 оҕо сылдьыа диэн этэллэр. Эспэртиисэ түмүгүн кэтэһэллэр.
Маны сэргэ, Роман Щегельняк оройуоҥҥа үөрэх тэрилтэлэригэр өрөмүөн ыытыллыытын туһунан иһитиннэрдэ. «Модернизация школьных систем образования» федеральнай бырагыраама иитинэн Нерюнгригэ 15 №-дээх, Серебрянай Борга 14 №-дээх, 22 №-дээх (Беркакит) оскуолаларга хапытаалынай өрөмүөннэр ыытыллаллар.
Ил Дархан Айсен Николаев кыраапыктан хаалбат туһугар, эбийиэктэри болдьоммут кэмнэригэр үлэҕэ киллэрэри ситиһэргэ бэдэрээччиттэри кытары үлэни күүһүрдэргэ соруйда. Маны таһынан, көрсүһүүгэ суол-иис өрөмүөнүн, элбэх кыбартыыралаах дьиэлэри сылытыыга үлэ, ититэр ситими саҥалыы уларытан оҥоруу, уо.д.а. кэпсэттилэр.
Санатан эттэххэ, Нерюнгри маастар-былаанын иитинэн оройуон киин балыыһатын поликлиническай уонна эмтиир блоктарын өрөмүөннээһин, аныгы тэрилинэн хааччыйыы үлэлэрэ ыытыллаллар. 2026 сыл бүтүүтүгэр Нерюнгригэ мэдиссиинэ 14 эбийиэгэ толору саҥардыллыахтаахтар.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Бүгүн киэһэ Креативнай индустрия пуорум сабыллыытын дьоро киэһэтигэр БРИКС+ стартап эспэдииссийэ киинэ, сценарий суруйуу, анимация…
Бүгүн, ыам ыйын 31 күнүгэр, Смарт-бибилэтиэкэҕэ «Кэскил» оҕо кыһата СӨ Инновационнай сайдыытын пуондатын кытта оҥорбут…
Дойдуга 2028-2030 сылларга дойду үрдүнэн кырдьан эрэр клеткалары чөлүгэр түһэрэр эми-тому оҥорон киллэрэр былааннаахтар, диэн…
Аллайыаха улууһун Бөрөлөөх нэһилиэгин олохтоохторо олус көхтөөхтөр. Киин сиртэн уонна улуустан тэйиччи олоробут диэбэттэр. Тэрээһиннэрэ…
Сарсын, бэс ыйын 1 күнүгэр, Саха сирин синоптиктара Усуйаанаҕа, Эбээн Бытантайга сөкүүндэҕэ 15-20 м. түргэннээх…
Арассыыйа үрдүк үөрэҕин кыһатыгар төлөбүрдээх үөрэх дипломун сыаната 2025 сылтан быдан үрдүк буолуоҕа. Сыана ортотунан…