Нерюнгригэ сир хамсаата

Бүгүн, от ыйын 28 күнүгэр сарсыарда 11 чаас 46 мүнүүтэҕэ  Нерюнгри оройуонугар сир хамсааһына буолла диэн ЯСИА суруйар.

5-6 бааллаах, 4.0 магнитудалаах сир хамсааһына Беркакит бөһүөлэгиттэн 71 килэмиэтирдээх сиргэ буолла диэн РАН Биир кэлим геодезическэй сулууспатын федеральнай чинчийэр киинин Саха сиринээҕи салаата иһитиннэрэр. Сир хамсааһынын эргимтэтэ 10 килэмиэтир кэриҥэ буолла.

5-6 бааллаах сир хамсааһына күүстээх диэн ааҕыллар. Лаампалар, миэбэл хамсыыр, иһит-хомуос тыаһыыр, дьиэлэр истиэнэлэрэ хайыта барыахтарын сөп.

Санатар буоллахха, бэс ыйын 16 күнүгэр Депутатскайтан 81 килэмиэтирдээх сиргэ 4 бааллаах сир хамсааһына бэлиэтэммитэ. Муус устар 14 күнүгэр Өлүөхүмэ улууһугар 5-6 бааллаах сир хамсааһына буолбута.

Саха сиригэр Сир сейсмическэй хамсааһына эбиллэн иһэр. 2024 сылга өрөспүүбүлүкэҕэ 3-4 бааллаах 267 сир хамсааһына буолбута.