Нерюнгритааҕы көтөр фабрикатыгар харантыын биллэриллибитин туһунан олоҕо суох иһитиннэрии

Нерюнгритааҕы көтөр фабрикатыгар харантыын биллэриллибитин туһунан олоҕо суох иһитиннэрии диэн «Экоптица» хампаанньа дириэктэрэ Василий Хомподоев ЯСИА-ҕа иһитиннэрбит. 

«Нерюнгритааҕы көтөр фабриката штатнай эрэсиимҥэ үлэлии турар. Харантыын биллэриллибитин туһунан олоҕо суох сымыйа информация буолар. Фабрикаҕа билигин былааннаах уонна былааны таһынан бэрэбиэркэлиир үлэлэр ыытыллаллар. Сальмонелла бактерията булулунна диэн официальнай иһитиннэрии суох. Лаборатория күн аайы чинчийиилэри оҥорор. Бородууксуйа атыыга барар, ол эрээри бигэргэммэтэх информациялартан дьон долгуйар, быһаарыныылары күүтэр», — диэн ЯСИА-ҕа Василий Хомподоев иһитиннэрбит.