Хаартыска: Андрей Сорокин, СИА
Ил Дархан Айсен Николаев Нерюнгрига оробуочай сырыытын кэмигэр кииннэммит оройуоннааҕы балыыһа (КОБ) эмтиир куорпуһун “Б” блогун уларытан тутуу итиэннэ “А”, “В” блоктар хапытаалынай өрөмүөннэрэ хайдах баран иһэрин бэрэбиэркэлээтэ, диэн иһитиннэрэр Ил Дархан уонна Бырабыыталыстыба пресс-сулууспата.
Эрэгийиэн салайааччытыгар иһитиннэриини Нерюнгритааҕы КОБ кылаабынай бырааһа Алексей Яворскай уонна СӨ Судаарыстыбаннай сакаасчытын сулууспатын бэрэстэбиитэлэ Дмитрий Иванов оҥордулар.
Балыыһа эбийиэктэрин уларытан тутуу Нерюнгри куорат маастар-былаанын биир сүрүн соруга буолар. Хапытаалынай өрөмүөн уонна эмтиир куорпуһу уларытан тутуу кыраапыгынан баран иһэр.
Ил Дархан “Б” блогу болдьоҕор бүтэрэллэригэр сорудахтаата.
“Өрөмүөн үлэтин бытаардар табыллыбат, барыта этиллибит болдьохторугар бүтүөхтээхтэр. Балыыһа эбийиэктэрин уларытан тутуу Нерюнгри маастар-былаанын биир сүрүн көрдөрүүтэ буолар. Үлэ түмүгүн куорат олохтоохторо сыаналыахтара, квалифицированнай мэдиссиинискэй көмөнү дьиэлэрин аттыгар ыллахтарына”, — диэтэ Айсен Николаев.
“А” блок тутуутун бэлэм буолуута 20%-ҥа тэҥнэһэр. 2025 сылга үлэҕэ киириэхтээх. Билигин манна истиэнэтин сыбыыллар, муостатын оҥороллор, ититэр систиэмэни тардаллар, региистирдэри туруораллар, о.д.а. ис үлэлэри оҥороллор.
“В” блок хапытаалынай өрөмүөнэ 2025 сыл бүтүүтэ түмүктэниэхтээх. Билигин манна дьиэ иннигэр салгылатар тэрили туруора, дьиэ үрдүн көтүрэ, о.д.а атын үлэлэри оҥоро сылдьаллар. Бэлэм буолуута 26 %-ҥа тэҥнэһэр.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…