Нерюнгриттан кэлбит ыалы аймахтара сүтэрбиттэрэ нэдиэлэ буолла

Дьокуускай полицията Юлия уонна Руслан Липадаттары көрдүүр. Кинилэр бу сыл ахсынньы 5 күнүттэн ыла аймахтарын кытта сибээстэспэтэхтэр. Бу туһунан СӨ ИДьМ пресс-сулууспата иһитиннэрэр. 

Иһитиннэриигэ суруллубутунан, кэргэнниилэр Нерюнгриттан киин куоракка сэтинньи 18 күнүгэр кэлбиттэр. Дьокуускайга кэлбит сыалларынан Юлия өрөспүүбүлүкэтээҕи онкодиспансерга эмтэниитэ буолар. Диспансерга иһитиннэрбиттэринэн, Юлия мантан ахсынньы 3 күнүгэр тахсыбыт, атын күҥҥэ кэлэн эбии көрдөрүнүөхтээҕэ үһү.

Кэргэнниилэр аймахтара бэлиэтииллэринэн, кинилэр бүтэһигин ахсынньы 5 күнүгэр сибээстэспиттэр. Юлиялаах Руслан онно Дьокуускайга кыбартыыра арыандалаабыттарын, ситэри эмтэнэллэрин, онтон биирдэ Нерюнгрига төннөллөрүн туһунан кэпсээбиттэр.

Липадаттар туһунан тугу эмит билэр буоллаххытына, 102, 112, +7 996 316-14-52 нүөмэрдэргэ эрийиҥ диэн СӨ ИДьМ көрдөһөр.