Маҕаһыынтан сугун атыылаһан сиэн баран гепатитынан ыалдьыбыттар

Нидерландыга 12 киһи улахан супермаркеттан тоҥ сугуну атыылаһан сиэн баран А гепатитынан ыалдьыбыт.

Дойду уопсастыбаннай доруобуйа харыстабылын национальнай институтун бэрэстэбиитэлэ Илко Франц олохтоох портал үлэһитигэр кэпсээбитинэн, 22-тэн 77-гэр диэри саастаах 12 киһи тоҥ сугуну сиэн баран ыалдьыбыт. Ити туһунан РИА Новости сырдатар.

“Икки улаханнык ыалдьыбыт киһини балыыһаҕа киллэрдилэр” – диэн салайааччы эппит. Институт үлэһиттэрэ номнуо сүүһүнэн киһи ыалдьыбыт буолуон сөп диэн сабаҕалыыллар.

Albert Heijn маҕаһыын ситимэ тоҥ сугуну маҕаһыыннартан атыыттан туоратарга диэн быһаарыы ылыммытын биллэрбит.

Ону тэҥэ, 2026 сыл муус устар 14 күнүгэр диэри болдьохтоох тоҥ сугуну атыыласпыт дьон отону сиэбэттэригэр итиэннэ маҕаһыыҥҥа төнүннэрэллэригэр көрдөспүт. Төнүннэрэр түгэннэригэр бородуукта харчытын төнүннэрэри эрэннэрбиттэр. Ити туһунан РИА новости суруйар.