Ньиэби хостуур хампаанньа 200 тыһ. солк. ыстарааптанна

Дьокуускай куораттааҕы суута ньиэп хостооһунунан дьарыктанар хааһына эппиэтинэстээх уопсастыбаҕа РФ Административнай быраабы кэһии туһунан кодексатын (КоАП РФ) 9.1 ыстатыйатын 1-кы чааһынан көрүллүбүт дьыаланы көрдө.

Суут дьүүлүн кэмигэр уопсастыба кутталлаах эбийэктэр эйгэлэригэр бырамыысыланнас куттала суох буолуутун ирдэбиллэрин кэспитэ быһаарылынна. 2025 сыл алтынньытыгар Ростехнадзор Ленскэйдээҕи салаата хампаанньа үлэлэтэр «II кутталлаах кылаастаах скважиналар пуондалара» диэн кутталлаах производственнай эбийиэккэ миэстэтигэр тахсан бэрэбиэркэ ыыппыта. Ол түмүгүнэн «Бырамыысыланнас куттала суох буолуутун туһунан» 116-с №-дээх федеральнай сокуону, «Ньиэп уонна гаас бырамыысыланнаһыгар куттал суох буолуутун быраабылаларын», «Бырамыысыланнас куттала суох буолуутун ирдэбиллэрин тутуһууну производственнай хонтуруолу тэрийии уонна ыытыы быраабылаларын» кэһиилэр булуллубуттарын туһунан аахта оҥоһуллубута. Ростехнадзор Ленскэйдээҕи салаата Уопсастыбаҕа административнай быраабы кэһии туһунан боротокуол оҥорбут.

Дьокуускай куорат суута Уопсастыбаны РФ Административнай быраабы кэһии туһунан кодексатын 9.1 ыстатыйатын 1-кы чааһынан көрүллүбүт быраабы кэһиигэ буруйдааҕынан билиннэ уонна 200 000 солкуобай кээмэйдээх административнай ыстараап анаата. Уураах сокуоннай күүһүгэр киирдэ, диэн СӨ Сууттарын холбоһуктаах пресс-сулууспата иһитиннэрэр.