Хаартыска Никифор Петров тиксэриитэ
Арассыыйа уонна Украина сыһыаннаһыыларыгар Бүлүү улууһун Өкүндү нэһилиэгин баһылыга Никифор Владимирович Петров санаатын маннык үллэһиннэ. Бары биир санаанан салайтарын түмсүөҕүҥ диир.
— Өкүндү нэһилиэгэ улууска кыра ахсааннаах нэһилиэк буолар.Быһа холоон, 300-кэ киһи олорор. Баай, дириҥ устуоруйалаах нэһилиэк буолар. Украинаҕа буола турар байыаннай дьайыыга быстах хомуурунан үс уолбут Арассыыйа сэбилэниилээх күүстэрин кэккэтигэр байыаннай дьайыыларга хорсуннук кытта сылдьаллар. Уолаттарбытын кытта сибээскэ куруук баарбыт, билсэбит, этэҥҥэ сылдьарыттан үөрэбит.
2022 сыллаахха нэһилиэк олохтоох дьаһалтата хас биирдиилэригэр 30-туу тыһ.солк. биэрбиппит. Быйыл даҕаны ол көмөбүт салҕаныаҕа. Тыа сирин сиэринэн кинилэр дьиэ кэргэннэригэр муус ылыыта, тиэйтэриитэ уо.д.а. оҥоһулла турар. Уһуйааҥҥа сылдьар оҕолоох дьиэ кэргэн төлөбүр төлөөбөккө, оҕото иитиллэр-үөрэтиллэр. Хас сырыы аайы нэһилиэк дьоно бары түмсэн уолаттарбытыгар гуманитарнай көмө оҥоро, ыыта олоробут.
Нэһилиэккэ даҕаны, оскуолаҕа даҕаны дойдубутугар суоһаабыт кутталы дьоҥҥо-сэргэҕэ, оҕо-аймахха өйдөтөргө күүстээх үлэ барар. Ол курдук, былырыын муус устарга «Zа ПОБЕДУ!» диэн ааттаах оскуолабыт кэскиллээх бырайыагынан чугас эргин сытар оскуолалары түмэн байыаннай-патриотическай оонньууну ыыппыппыт. Бу кэлэр ыйга эмиэ улуус элбэх оскуолатын хабан ыытарга бэлэмнэһэ сылдьабыт.
Түгэнинэн туһанан нэһилиэгим дьонугар бу курдук бары бииргэ түмсүүлээхтэрин, үтүө санаалаахтарын иһин барҕа махталбын тиэрдэбин! Түмсүүлээх норуоту ким да, туох да кыайбат. Арассыыйа үйэлэр тухары үгүс ыарахаттары кыайан-хотон кэлбитэ, аны да кыайыаҕар эрэллээхпит!
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…
Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы…
«Нелегальнай мигрант» эпэрээссийэ чэрчитинэн, полиция үлэһиттэрэ, Арассыыйа ФСБ-тын Саха сиринээҕи салаатын, Арассыыйа ИДьМ хотугулуу-илиҥҥи линиэйнэй…
Сэрэтэр дьаһаллар чэрчилэринэн полицейскайдар арыгылаах бородууксуйаны сокуону кэһэн атыылааһын биэс түбэлтэтин быһаардылар. Ол курдук, Петр…
Быраастар 30 саастаах дьахтар иһиттэн олус улахан кистаны эпэрээссийэлээн ылбыттар. Дьахтар иһэ 9 ыйдаах хат…
Бэҕэһээ, ахсынньы 23 күнүгэр, Дьокуускай куорат историятын түмэлигэр «Зима. Магия света» диэн ааттаах быыстапка аһыланна.…