Сайаана Львова хаартыската
Бүгүҥҥүттэн Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын IX сийиэһэ үлэтин саҕалаата.
Сийиэс туһунан Горнай улууһун баһылыга Никита Андреев санаатын үллэстэр:
— Горнай улууһуттан нэһилиэк баһылыктара, улуус мунньаҕын бэрэссэдээтэлэ, дьокутааттар уонна хонтуруоллуур-ааҕар уорган салайааччыта дэлэгээт быһыытынан кэлэн үлэлии сылдьабыт. Дьокутааттар уонна баһылыктар сийиэстэрэ тэҥинэн ыытыллыбыта табыгастаах буолла. Тоҕо диэтэххэ, хайатыгар даҕаны тэҥинэн туох үлэ ыытылларын, уопут баарын билсэммит үлэбитигэр сөптөөхтүк туһаныахпыт диэн көрөбүт. Биллэн турар, элбэх кыһалҕа, быһаарыллыбакка турар боппуруостар бааллар, ол тула кэпсэтиилэр бараллар. Ону таһынан нэһилиэктэр, улуустар бэйэлэрин үчүгэй уопуттарын кэпсииллэр, оройуон дьаһалтатын кытары туох үлэ-хамнас бара турарын эмиэ билсэрбит биһиэхэ туһалаах. Маны таһынан биһиги министиэристибэлэри, атын даҕаны тэрилтэлэри кытары көрсөбүт. Бэйэбит үлэбитигэр былааннары торумнуубут.
Ол курдук Горнай улууһун дэлэгээссийэтэ «Бүлүү» федеральнай суолун салалтатын кытары көрүстэ. Ону таһынан, ОДьКХ, Предпринимательство, Култуура уонна духуобунай сайдыы министиэристибэлэрин салалталарын кытары көрсүөхтээхпит.
Бу сийиэс, уопсайынан, биһиги үлэбитигэр өссө элбэх сайдыыны аҕалыа, олохтоох бэйэни салайыныы дойду үрдүнэн Саха сиригэр таһымнааҕын көрдөрөр үлэни тэрийиэхтээхпит.
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…