Хаартыска уонна видео - Елена Потоцкая.
Бүгүн, сэтинньи 13 күнүгэр, Хаҥалас улууһун Өктөм нэһилиэгэр СӨ Бастакы Бэрэсидьиэнэ Михаил Николаев архыып-бибилэтиэкэтигэр – Николаев-Кииҥҥэ Саха сирин Бастакы Бэрэсидьиэнэ Михаил Николаев төрөөбүт күнүгэр “Доҕоттор көрсүһүүлэрэ” уопсастыбаннас мунньаҕа буолла.
Суолталаах тэрээһиҥҥэ өрөспүүбүлүкэ ытык киһитин бииргэ үлэлээбит соратниктара, кэллиэгэлэрэ, үөлээннээхтэрэ, судаарыстыбаннай уонна муниципальнай былаас бэрэстэбиитэллэрэ, үөрэх, наука, култуура, доруобуйа харыстабылын, успуорт эйгэлэрин үлэһиттэрэ кыттыыны ыллылар.
Мунньах кыттыылаахтара итии үүттээх чэйдээх сандалы тула олорон, саха саарынын кытта алтыһан ааспыт кэмнэрин аҕыннылар, араас этии киирдэ, кэскиллээх барыл торумнанна.
“Доҕоттор көрсүһүүлэрэ” тэрээһиҥҥэ Саха Өрөспүүбүлүкэтин Бастакы Бэрэсидьиэнэ М.Е. Николаев эрэллээх соратнига, судаарыстыбаннай уонна уопсастыбаннай диэйэтэл Климент Иванов санаатын тиэртэ.
Климент Егорович өрөспүүбүлүкэ ытык киһитин үйэтитиигэ анаан бу курдук бэлиэтээтэ.
Хаҥалас улууһун баһылыга Олег Иринеев Хаҥалас улууһугар СӨ Бастакы Бэрэсидьиэнэ Михаил Николаев аатын үйэтитиигэ улуус олохтоохторуттан үгүс этии киирбитин, онон сибээстээн былааннаах үлэ барыаҕын туһунан бэлиэтээтэ.
Ити курдук, өрөспүүбүлүкэ уопсастыбаннаһа Михаил Николаев нэһилиэстибэтин кэлэр көлүөнэлэргэ үйэтитэр туһунан үгүс этиини киллэрдилэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…