Хаартыска Н.Андросов архыыбыттан
Дьокуускай куорат П.Н. уонна Н.Е. Самсоновтар ааттарынан Хатас орто оскуолатын саҥа куорпуһа аһыллыытыгар үөрэнээччилэр, оскуола кэлэктиибэ, бэтэрээн учууталлар, нэһилиэк ытык кырдьаҕастара уонна суруналыыстар тоҕуоруһа муһуннулар. Үөрэх саҥа дыбарыаһа үлэҕэ киирбитинэн муусука учуутала Николай Андросов санаатын үллэһиннэ:
— Мин Хатас орто оскуолатыгар музыка учууталынан үлэлиибин. Ону таһынан 8 «б» кылаастары салайабын. Бу оскуола саҥа куорпуһа үлэҕэ киирбититтэн уонна муусука учуутала буоларым быһыытынан, оскуолабытыгар аактабай саала баар буолбутуттан олус үөрдүм. Тоҕо диэтэххэ, Хатаска, биһиэхэ ыллыырга-туойарга, дьарыктанарга маннык киэҥ-куоҥ саала ханна даҕаны суоҕа. Оҕолор, учууталлар, төрөппүттэр даҕаны, бары үөрэбит. Сабыс саҥа аппаратуралаах, тыаһы-ууһу көннөрөр туспа хостоох, цветодиоднай экраннаах, 160 олорор миэстэлээх, киэҥ-куоҥ сыаналаах, гримеркалаах, атын даҕаны хостордоох саала буолар. Сотору аны драмкуруһуок үлэлиэхтээх. Онон мантан инньэ элбэх концерт, күрэхтэһии, о.д.а. тэрээһиннэр буолаллара саарбаҕа суох.
Итини сэргэ мин тус бэйэм, үлэлиирбэр-хамныырбар, туспа муусука кэбиниэттэммиппиттэн олус үөрдүм. Урут бу хос бибилэтиэкэ этэ, билигин муусука кэбиниэтэ буолан, үөрэнээччилэр киэҥ-куоҥ хоско үөрэ-көтө дьарыктаныахтара диэн эрэнэбин. Онон оҕо үүнэригэр-сайдарыгар толору кыах баар буолла диэххэ сөп.
Онкологиялаах ыарыһахтары өйүүр «UNITY» аһымал пуонда «Роскосмос» госкорпорацияны кытта оҕолорго баҕа санааларын олоххо киллэрэллэригэр көмөлөһөр…
Сэтинньи 3 күнүгэр, Норуот сомоҕолоһуутун бырааһынньыгын көрсө, Өрөспүүбүлүкэтээҕи лиссиэй-интэринээт уонна Модут орто оскуолатын үөрэнээччилэрэ, төрөппүттэрэ…
Арассыыйа Дьоруойа Алексей Петров төрөөбүт дойдутугар, Үөһээ Бүлүү улууһугар, кылгас уоппускатыгар кэллэ. Кини чугастааҕы күннэргэ…
Саха сирин уустара «Клинок – үгэстэр уонна аныгы кэм» диэн ааттаах аан дойдутааҕы быыстапкаҕа тимири…
Саха Өрөспүүбүлүкэтин Тырааныспарга уонна суол хаһаайыстыбатын министиэристибэтэ муус туруутунан сибээстээн «Жатай – Төхтүр – Жатай»…
Күн ньууругар хамсааһын эмиэ күүһүрбүтэ бэлиэтэнэр. Учуонайдар этэллэринэн, икки нэдиэлэлээх тохтобул кэнниттэн Күҥҥэ кэмиттэн кэмигэр…