Николай Бочков: “Хомунаалынай өҥөҕө сыана үрдээһинэ тустаах тэрилтэлэргэ уларыйыыны кытта сибээһэ суох”

Хомунаалынай өҥөҕө сыана үрдээһинэ хомунаалынай тэрилтэлэргэ субсидияны аччатыы реформатын кытта сибээһэ суох.

Бу туһунан «Якутия 24» ханаалга “Актуальное интервью” биэриигэ Сыана бэлиитикэтин судаарыстыбаннай кэмитиэтин бэрэссэдээтэлэ Николай Бочков эпиир кэмигэр иһитиннэрдэ.

От ыйын 1 күнүттэн хомунаалынай өҥөҕө тарыып 13% үрдүөҕэ. «Аҕа Баһылык ыйааҕынан хомунаалынай хаһаайыстыба тэрилтэлэригэр субсидия үрдүүрүн бобор былаанҥа илии баттаммыта. Былаан 2030 сылга диэри хомунаалынай өҥө ороскуотун кыччатар сыаллаах. Ол гынан баран, бу от ыйынааҕы сыана үрдээһинин кытта сибээһэ суох. Былаан, бастатан туран, тэхиниичэскэй хааччыллыыга уонна саҥардыыга туһуланар хочуолунайдары тутуу, саҥа технологиялары туһаныы, уматыгы тиэрдии хайысхатын тупсарыы,  оттук атын көрүҥнэригэр көһүүнү кытта сибээстээх”, — диэн бэлиэтээтэ сыана бэлиитикэтин судаарыстыбаннай кэмитиэтин бэрэссэдээтэлэ Николай Бочков.

Сиһилии: https://www.sakha.gov.ru/news/4364 саайтка киирэн ааҕыҥ.