Хаартыскаҕа Ульяна Захарова түһэриитэ
Бүгүн, кулун тутар 29 күнүгэр, СӨ Уопсастыбаннай палаататын бэрэссэдээтэлэ, кыраайы үөрэтэр Е.Ярославскай аатынан түмэл дириэктэрэ Николай Бугаев байыаннай эпэрээссийэҕэ сылдьар сахабыт дьонун-сэргэтин көрсөн, көмө тиэрдэн кэллэ. Бу туһунан кини биһиги саайтпытыгар сырдатта:
— Биһиги байыаннай эпэрээссийэ саҕаланыаҕыттан Украина сиригэр-уотугар уолаттарбытын көрсө хаһыс да сырыыбыт буолар. Бу барыыбытыгар уолаттарбытыгар көмө илтибит. Ону сэргэ саха эстрадатын ырыаһыта Лэгэнтэй барсан кэнсиэрдээтэ. Уопсайынан бэлиэтээн этэр буоллахха, антах тиийдэххэ, иһирдьэ бөлөҕүнэн киириллэр. Онно биһиги бэһиэ буолан киирбиппит. Украинаҕа ВСУ-лар диэн бааллар. Кинилэр тоһуур оҥоруохтарын сөп, миинэ да уураллар. Ол онно түбэспэт гына, мантан уолаттары көрсө тиийбит дьон анал байыаннай таҥас-сап кэтэн, аптамаат ылан, сэрэхтээх буолуу тиэхиньикэтигэр сурунаалга илии баттаан, суруйтаран баран киирэллэр. Байыаннай кафедраҕа үөрэммит буоламмын, аптамаатынан да, пулеметунан да ытар кыахтаахпын. Лэгэнтэй бэйэтэ үчүгэй булчут, онон сааны бастакытын тутар киһи буолбатах. Ону таһынан саата суох киһи харах далыгар киирэн хаалыан сөп. Ол иһин, уолаттары көрсө тиийэр киһи саллааттартан итэҕэһэ суох, болҕомтону тардыбат гына таҥныахтаах.
Бу сырыыга Херсонскай уобаласка сылдьан, сөргүтүү үлэтин-хамнаһын көрдүбүт. Ити өттүгэр саха уолаттара эмиэ бааллар. Онно бэрэстэбиитэлистибэбит суох эбит буоллаҕына, билигин онно тирэх пууммут аһылынна. Бу тирэх пууммут бу эҥээр сылдьар уолаттарбытыгар көмө-тирэх буолуоҕа. Тирэх пууннар Саха сириттэн тиийэр көмөлөрү, баһыылкалары тириэрдэллэр. Новоазовск, Кировскай, Геническ уонна Ростов куораттарга бааллар. Тэрийиигэ кыттыспыт буоламмыт бэйэбит идиэйэлэрбитин, санааларбытын эппиппит. Биһиги тиийиибитигэр, уолаттар инники кирбииттэн (передовой) кэлэн көрсөллөр. Ону барытын эрдэттэн былааннанан баран, тиийиэххэ наада. Ол сылдьан көрдөхпүнэ, тиэхиньикэ өттүнэн боппуруостар бааллар эбит. Инники кирбии диэки суол-иис олус мөлтөх. Тиэхиньикэ алдьанар-кээһэнэр. Өрөмүөн кэмигэр уолаттар сатыы туран хаалаллар эбит. Онон тиэхиньикэ элбэх соҕус буоларын курдук үлэлэһиэхпит.
Бу кэлэн баран, бэйэм дьоҕус чааһынай массыынабын уолаттарга ыытарга быһаарынным. Ону таһынан тэрилтэбититтэн — кыраайы үөрэтэр мусуойбут эргэ фермер массыынатын эмиэ байыаннай эпэрээссийэҕэ санитар уолаттарга ыытарга быһаарынныбыт. Киһи миэстэтигэр сылдьан туох наадатын көрөр-билэр. Санитардар МТЛБ диэн улахан тыастаах-уустаах тиэхиньикэнэн сылдьаллар. Онон кыра массыына кинилэргэ эмиэ наада, — диэн кэпсээтэ Николай Бугаев.
Николай Бугаевы кытта кэпсэтиини «Саха сирэ» хаһыат кэлэр нүөмэригэр сиһилии ааҕаарыҥ.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…