Николай Бугаев саҥа сирдэргэ чөлүгэр түһэрэр үлэлэр тустарынан кэпсээтэ

«Мариуполь, ол иһигэр, суоллар оҥоһуллаллар, олох баара биллэр! Онуоха биһиги өрөспүүбүлүкэбит көхтөөхтүк көмөлөһөр». -– диэн Саха сирин Уопсастыбаннай балаататын бэрэссэдээтэлэ Николай Бугаев санаатын үллэһиннэ.

Кини иһитиннэрбитинэн, Мариупольга дьиэлэр ахсааннарыттан чиэппэрэ тутулунна. Билигин суоллары уонна социальнай эбийиэктэри тутуу үлэтэ күүскэ барар.
Николай Бугаев Саха сирэ көмөлөһөр Донецкай Норуодунай Өрөспүүбүлүкэ Кировскай куоратыгар саҥардыллыбыт улахан эбийиэги – 2 №-дээх орто оскуоланы уонна Дьиэ-уот, коммунальнай хаһаайыстыба эбийиэктэрин, уу барар ситимин бэрэбиэркэлээтэ.
Кини этэринэн, Кировскай куоракка Саха сириттэн кэлэн байыаннай эпэрээссийэҕэ кыттааччыларга сыһыаннара олус үчүгэй, куорат олохтоохторо Саха сирэ өйүүрүн уонна көмөлөһөрүн иһин махтаналлар.