Хаартыска: www.sakha.gov.ru
Ил Түмэн дьокутаата, Саха сирин уопсастыбаннай балаататын бэрэссэдээтэлэ, “Саха түмэлэ” тэрилтэ дириэктэрэ Николай Бугаев Арассыыйа Бэрэсидьиэнэ Владимир Путин быһа лииньийэтин биһиги дойдубутугар эрэ буолбакка, атын судаарыстыбаларга эмиэ суолталаах түгэн диэн эттэ.
“Владимир Путин сабыдыала Арассыыйа ис бэлиитикэтиттэн тахсыбыта быданнаата. Кини этиитэ бүтүн аан дойду дьонун инники турар соруктарын уонна сыаннастарын быһаарар”, — диэн Николай Бугаев бэлиэтээтэ.
Владимир Путин Арассыыйа тутуллан турар сыаннастарын чопчу ыйбытын этэр: бу бэйэ дойдутунан уонна кини гражданнарынан киэн туттуу, дьиэ кэргэн үгэстэригэр ытыктабыл, оҕолорго уонна саастаах дьоҥҥо кыһамньы, нуучча култууратын чөл хаалларыы.
“Сорох арҕаа дойдулар нуучча култууратыгар геноциды көҥүллүүллэр, дьиҥнээх национализмы көрдөрөллөр. Ол эрээри, Владимир Путин Арассыыйаҕа маннык сыһыаннаһары көҥүллээбэтин туһунан өйдөбүлү иҥэрдэ. Төттөрүтүн, биһиги баай устуоруйабыт уонна култуурабыт эталон буолан эрэллэр. Атын судаарыстыбалар олохтоохторо Пушкины уонна Достоевскайы ааҕаллара, биһиги дойдубут хорсун быһыытын кытта билсэллэрэ, сөҕөллөрө үксээн иһэр”, — диэн Ил Түмэн дьокутаата, Саха сирин уопсастыбаннай балаататын бэрэссэдээтэлэ, “Саха түмэлэ” тэрилтэ дириэктэрэ Николай Бугаев эттэ.
Ил Дархан уонна Бырабыыталыстыба пресс-сулууспата.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…