Хаартыска: Үөрэх уонна билим министиэристибэтэ.
Муус устар 12-18 күннэригэр Дьокуускай куоракка физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ буолан ааста. Түмүк хайдаҕый? Олимпиада дьүүллүүр сүбэтин бэрэссэдээтэлэ, солбуйааччыта туох санаалаахтар?
Түмүктүүр түһүмэххэ бэйэлэрин эрэгийиэннэригэр бастаабыт оҕолор кытталлар. Быйылгы олимпиадаҕа 81 эрэгийиэнтэн 292 бастыҥтан бастыҥ, талааннаах оҕо муһунна.
Олимпиада икки тууртан турар. Теорияҕа тууругар кыттааччылар спортивнай теория, физическэй култуура уонна доруобуйа төрүтэ эйгэтиттэн сорудаҕы толордулар. Быраактыка тууругар гимнастикаҕа, спортивнай оонньууларга, чэпчэки атлетикаҕа, прикаладной физическэй култуураҕа тургутуулары аастылар. Ити түмүгүнэн, дьүүллүүр сүбэ 24 кыайыылаах, 111 миэстэлэспит оҕону быһаардылар.
Николай Чесноков, Москватааҕы физкултуура судаарыстыбаннай академиятын ректора, физкултуура олимпиадатын дьүүллүүр сүбэтин бэрэссэдээтэлэ:
— Олимпиада биир күн кэриэтэ көрүөх бэтэрээ өттүгэр түмүктэнэн хаалла. Тыҥааһыннаах, интэриэһинэй олимпиада ааста, оҕолор бары кыһанан, туох баар кыахтарын ууран туран кытыннылар. Манна кыайтарбыт диэн суох, төһө да уустугун иһин, түмүктүүр түһүмэххэ диэри тиийэн кэллилэр.
Саха сирин хамаандата үчүгэйдик кытынна диир тутах буолуо, туйгуннук кытынна – үс кыайыылаах уонна үс миэстэлэспит оҕо баар. Бу, арааһа, физкултуура олимпиадатыгар Саха сирин рекорда буолуо дии саныыбын.
Михаил Гуляев, Чурапчытааҕы физкултуура уонна успуорт судаарыстыбаннай институтун бэрэсидьиэнэ, физкултуура олимпиадатын дьүүллүүр сүбэ бэрэссэдээтэлин солбуйааччы:
— Олимпиада түмүктүүр түһүмэҕэ бэрт тэрээһиннээхтик барда. Оҕолор олус кыһанан туран кытыннылар. 81 эрэгийиэнтэн 292 үөрэнээччи кытынна. Арассыыйа да, норуоттар икки ардыларынааҕы даҕаны таһымнаах күрэхтэһиилэр ыытыллыбыттара эрээри, бу курдук элбэх эрэгийиэнтэн өссө кэлэ иликтэрэ.
Олимпиада теорияттан уонна быраактыкаттан турар. Бэйэтин иһигэр көрүҥэ элбэх. Оннооҕор биһиги наартаны ыстаныыларбыт кытта киирдилэр. Онон оҕолор эргиччи сайдыылаахтарын, бэлэмнээхтэрин көрдөрүлэр.
Москва куорат, Татарстан хамаандалара күүстээхтэр. Биһиги үөрүөхпүт иһин, Саха сирин хамаандата үрдүк көрдөрүүнү ситистэ. Олимпиада бу иннинэ Дьокуускайга 2014 сыллаахха ыытыллыбыта. Эмиэ бэркэ ааспыта. Ол иһин бу түһүмэххэ, Саха сиригэр олус үчүгэйдик ыыталлар үһү диэн эрэгийиэннэр туруорсан туран, бүтүн 81 эрэгийиэнтэн кыттааччылар кэллилэр. Ол, 2014 сыллаах олимпиадаҕа Саха сириттэн үс оҕо миэстэлэспитэ. Бүгүн үс оҕо кыайда, үс оҕо миэстэлэстэ.
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…