СИА хаартыската
2023 сылга үлэ киһитин аатын-суолун үрдэтии, кинини чисэтээһин-бочуоттааһын үлэтэ күүскэ барбыта. Үлэ киһитин сыла түмүктэммитин, кэлэр сыл Оҕо сылынан биллэриллэрин туһунан Саха Өрөспүүбүлүкэтин баһылыга Айсен Николаев Ил Түмэҥҥэ уонна Бырабыыталыстыбаҕа туһаайан эппит Анал этиитигэр эттэ. Бүгүн быйылгы Анал этии туһунан Саха сирин идэлээх сойуустарын бэрэссэдээтэлэ Николй Дегтярев санаатын маннык үллэһиннэ:
— Ил Дархан Айсен Николаев быйылгы Анал этиитигэр сыл түмүктэрин таһаарда, чугастааҕы кэлэр сылга сүрүн соруктары туруорда. 2023 с. ылыллыбыт үгүс дьаһаллар уонна өйөбүл миэрэлэрэ кэлэр да өттүгэр салҕанан барыахтара диэбитин үөрэ иһиттим. Аны туран хоһуун-хоодуот үлэһит дьону «Үлэ киһитэ» диэн бириэмийэҕэ түһэриини салҕыахпыт диэн этиитэ – бу улахан өйөбүл. Бары билэрбит курдук, 2023 сылга үлэһит киһи аатын-суолун үрдэтиигэ олус улахан үлэ барда.
Мин өссө тус бэйэбэр чугастыы ылыммытым, хас биирдии саха киһитэ Кыайыыны чугаһатар туһугар күүскэ үлэлиэхтээх диэн этиитэ. Байыаннай дьайыыга кытта сылдьар биһиги уолаттарбытыгар уонна кинилэр дьиэ кэргэннэригэр туох баар күүспүтүн-уохпутун уураммыт өйөбүл оҥоруохтаахпыт диэтэ. Ону сэргэ кэлэр сыл Оҕо сылынан биллэриллибиттэн олус үөрдүм.
Дьокуускайга П.А.Ойуунускай аатынан литература түмэлигэр бүгүн, сэтинньи 3 күнүгэр, күнүс 14.00 ч. "Дружба литератур –…
Уус Алдан улууһугар Өспөххө мобильнай интэриниэт вышката турда. 4G сибээскэ холбоммотох 100-1000 ахсааннаах нэһилиэнньэлээх пууннарыы…
Бу күннэргэ күн-дьыл туруга хайдаҕый? Өрөспүүбүлүкэ арҕаа, соҕуруу диэки өттүгэр сорох сирдэринэн балачча хаардыа, сорох…
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…