До выборов президента РФ
00 дней
:
00 часов
:
00 минут
:
00 секунд
Николай Дегтярев: “Михаил Николаев тыа сирин дьоно туруктаах олохтоноругар туруулаһара”

Николай Дегтярев: “Михаил Николаев тыа сирин дьоно туруктаах олохтоноругар туруулаһара”

08.08.2023, 19:30
Хаартыска: Мария Васильева (СИА).
Бөлөххө киир:

СӨ Идэлээх Сойуустарын федерациятын бэрэссэдээтэлэ Николай Дегтярев:

— Бу күннэргэ Саха сиригэр улахан курус күннэр. Бастакы бэрэсидьиэммит, ытыктыыр Михаил Ефимович Николаев күн сириттэн туораата. Киниэхэ өрөспүүбүлүкэ бары олохтоохторо сүгүрүйэр, ытыктыыр киһилэрэ диэн мээнэҕэ эппэттэр, биһиги духуобунай диэйэтэлбит. Тус бэйэм Михаил Ефимовичка махтанарым — кини саханы саха дэппит сүҥкэн өҥөлөөх. Биллэрин курдук, уларыта тутуу сылларыгар култуура, духуобунас боппуруостарын, Саха сирин сайдыытыгар улахан үлэни ыыппыт, бастыҥ дьоннорбут ааттарын төнүннэрбит киһибит. Аҥардас ол да иһин биһиги Михаил Ефимовичка махталлаахпыт. Боростуой, хара үлэһиттэргэ болҕомтотун уурара, өрөспүүбүлүкэ, тыа дьоно бырамыысыланнаска үлэлээн олохторо тупсарыгар, туруктаах буоларыгар улахан үлэни ыыппыта.

Мин Арассыыйаны биир гына элбэх сиргэ сылдьыбытым. Ити кэмҥэ олус элбэх бөһүөлэктэр сабыллыбыттара, оҥорон таһаарыы тохтообута. Биһиги Михаил Ефимович Николаев курдук салайааччылаах, тумус туттар киһилээх буоламмыт, бииргэ үлэлиир дьонун кытта түмсэн, Саха сирэ ити охсууну удамырдык, улаханнык билбэккэ аһарбыта.

Михаил Ефимович олоҕун тиһэх күнүгэр диэри бэйэтин киэҥ билиитин, санаатын дьонун, норуотун кытта үллэстэ олорбута. Ол курдук, биһиэхэ кэлэн уопсай үлэ-хамнас туһунан эмиэ элбэхтик ырытыспыппыт.

Михаил Ефимович дьиэ кэргэнигэр, чугас дьонугар, бииргэ үлэлэспит дьонугар, бүтүн Саха сирин олохтоохторугар Идэлээх Сойуустар федерациятын үлэһит дьонун аатыттан дириҥ кутурҕаммын биллэрэбин. Түмсүүлээх буолуоҕуҥ, кини эппит этиилэрэ, санаабыт санаалара олоххо киирэн иһиэхтэрэ диэн бигэ эрэллээхпит.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -35°C
  • Ощущается: -35°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: