Хаартыска: Мария Васильева (СИА).
СӨ Идэлээх Сойуустарын федерациятын бэрэссэдээтэлэ Николай Дегтярев:
— Бу күннэргэ Саха сиригэр улахан курус күннэр. Бастакы бэрэсидьиэммит, ытыктыыр Михаил Ефимович Николаев күн сириттэн туораата. Киниэхэ өрөспүүбүлүкэ бары олохтоохторо сүгүрүйэр, ытыктыыр киһилэрэ диэн мээнэҕэ эппэттэр, биһиги духуобунай диэйэтэлбит. Тус бэйэм Михаил Ефимовичка махтанарым — кини саханы саха дэппит сүҥкэн өҥөлөөх. Биллэрин курдук, уларыта тутуу сылларыгар култуура, духуобунас боппуруостарын, Саха сирин сайдыытыгар улахан үлэни ыыппыт, бастыҥ дьоннорбут ааттарын төнүннэрбит киһибит. Аҥардас ол да иһин биһиги Михаил Ефимовичка махталлаахпыт. Боростуой, хара үлэһиттэргэ болҕомтотун уурара, өрөспүүбүлүкэ, тыа дьоно бырамыысыланнаска үлэлээн олохторо тупсарыгар, туруктаах буоларыгар улахан үлэни ыыппыта.
Мин Арассыыйаны биир гына элбэх сиргэ сылдьыбытым. Ити кэмҥэ олус элбэх бөһүөлэктэр сабыллыбыттара, оҥорон таһаарыы тохтообута. Биһиги Михаил Ефимович Николаев курдук салайааччылаах, тумус туттар киһилээх буоламмыт, бииргэ үлэлиир дьонун кытта түмсэн, Саха сирэ ити охсууну удамырдык, улаханнык билбэккэ аһарбыта.
Михаил Ефимович олоҕун тиһэх күнүгэр диэри бэйэтин киэҥ билиитин, санаатын дьонун, норуотун кытта үллэстэ олорбута. Ол курдук, биһиэхэ кэлэн уопсай үлэ-хамнас туһунан эмиэ элбэхтик ырытыспыппыт.
Михаил Ефимович дьиэ кэргэнигэр, чугас дьонугар, бииргэ үлэлэспит дьонугар, бүтүн Саха сирин олохтоохторугар Идэлээх Сойуустар федерациятын үлэһит дьонун аатыттан дириҥ кутурҕаммын биллэрэбин. Түмсүүлээх буолуоҕуҥ, кини эппит этиилэрэ, санаабыт санаалара олоххо киирэн иһиэхтэрэ диэн бигэ эрэллээхпит.
Нерюнгри оройуонугар оробуочай сырыытын кэмигэр Айсен Николаев Шахтер күнүгэр анаммыт миитиҥҥэ кытынна. Ил Дархан Алексей…
Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…
Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…