Хаартыска: А.Сорокин (СИА)
Ил Дархан Айсен Николаев Арассыыйа тас дьыалаларга министиэристибэтин ураты сорудахтарга посола, Арктика сэбиэтин ыстаарсай дуоһунастаахтар кэмитиэттэрин бэрэссэдээтэлэ Николаем Корчуновы кытары көрүстэ.
Николай Корчунов килиимэт уларыйыытын уонна ирбэт тоҥ сылыйыытын боппуруостарыгар билигин Дьокуускайга ыытылла турар аан дойдутааҕы кэмпириэнсийэ дьоһун суолталааҕын бэлиэтээтэ.
«Кэмпириэнсийэ интэриэһинэй, тиэмэлэр, учуонайдар састааптара уонна кыттааччылар дьоһуннаахтар. Бу ирбэт тоҥ уларыйыытыгар уонна туругар анаммыт бастакы кэмпириэнсийэ. Эһиги билэргит курдук, Арктика бэлиитикэтин киэҥ араҥаҕа таһаарарга наука платформата наада”, — диэтэ кини.
Ил Дархан Арассыыйа тас дьыалаларга министиэристибэтигэр кэмпириэнсийэни ыытарга Саха сирин көҕүлээһинин өйөөбүтүгэр махтанна.
«Биһиги Хотугу сир норуоттарын дьикти айылҕатын, култууратын, ураты үгэстэрин уонна олох укулаатын харыстыыр сыаллаах-соруктаах аан дойдутааҕы бырайыактары олоххо киллэрэргэ, килиимэт уларыйыытын содулларын аҕыйатарга күүспүтүн барытын уурабыт. Арктика сэбиэтигэр Арассыыйа бэрэссэдээтэллээһинин дьаһалларын былаанынан Саха сиригэр ыытыллыбыт тэрээһиннэргэ улахан интэриэс баарын көрөбүт, — диэн Айсен Николаев көрсүһүүгэ эттэ.
Кини бэлиэтээбитинэн, үөһээ этиллибит былаан быһыытынан, “Туруктаах сайдыыга Хотугу форум” диэн аан дойдутааҕы III уонна IV пуорумнар, Дьокуускайга “Арктика – сайдыы сирэ-уота” диэн куорат табыгастаах эйгэтин хааччыйарга аналлаах кэмпириэнсийэ ыытылыннылар.
Ааспыт нэдиэлэҕэ Саха сиригэр үгэс буолбут таба иитиитигэр аан дойдутааҕы бастакы чемпионата буолла. Ол чэрчитинэн “Арктикаҕа улахан уларыйыылар усулуобуйаларыгар табаны иитии туруктаах сайдыыта” аан дойдутааҕы кэмпириэнсийэ уонна “Аан дойду табаһыттара” ассоциация сэбиэтин уочарата суох мунньаҕа тэрилиннилэр.
Өрөспүүбүлүкэ бу тэрээһиннэрин килиимэт уларыйыытын уонна ирбэт тоҥ сылыйыытын боппуруостарыгар кулун тутар 22 күнүттэн саҕаламмыт аан дойдутааҕы кэмпириэнсийэ түмүктүөҕэ.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…