Хаартыска Физическэй култуура уонна маассабай успуорт салалтатын пресс-сулууспатыттан
Бүгүн Дьокуускайга Николай Кычкин аатынан дуобакка бүтүн Арассыыйатааҕы турнир үөрүүлээх быһыыга-майгыга аһылынна.
Бу туһунан Физическэй култуура уонна маассабай успуорт салалтатын пресс-сулууспата иһитиннэрэр.
Тэрээһин аһыллыытыгар СӨ Бырабыыталыстыбатын бэрэссэдээтэлин солбуйааччы Георгий Степанов биһиги өрөспүүбүлүкэбитигэр дуобат улахан сэҥээриини ылар уонна успуорт саамай маассабай көрүҥүнэн буолар диэтэ.
«Өрөспүүбүлүкэ салалтата дуобат хамсааһынын өйүүрүн уонна сайыннарарын бэлиэтии көрбүккүт буолуо. Саха сирин дуобатчыттара сыл аайы бүтүн Арассыыйатааҕы уонна аан дойдутааҕы түһүлгэҕэ ситиһиилээхтик кытталлар», — диэн Георгий Степанов кэлбит ыалдьыттарга туһаайан эттэ.
Итини сэргэ СӨ Бырабыыталыстыбатын бэрэссэдээтэлин солбуйааччы Георгий Степанов «100-летия Физкультурного движения в РС(Я)» түөскэ кэтэр бэлиэни Мария Бырдынныроваҕа, Владимир Птицыҥҥа, Юрий Никифоровка уонна Николай Саввиновка туттарда.
Бэлиэтээн эттэххэ, турнирга 73 спортсмен кыттар, ол иһигэр 8 аан дойдутааҕы кылаастаах гроссмейстер уонна 20 Арассыыйа успуордун маастара кыттар. Бу күрэхтэһии биир уратытынан, манна успуорт маастарыгар хандьыдааттар кытталлара буолар.
Тэрээһин генеральнай партнердарынан «Саха сирин тимир суоллара» хампаанньа уонна «Ви Интеграция» ХЭУо кытталлар.
Санатан эттэххэ, дуобакка турнир атырдьах ыйын 16 күнүгэр диэри өрөспүүбүлүкэтээҕи дуобат-саахымат киинигэр ыытыллыа. Оонньуулары быһа эпииргэ маннык сигэнэн көрүөххэ сөп: https://clck.ru/35B6y4.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …