Хаартыска: УФКиМС пресс-сулууспата
Дьокуускайга Уопсастыбаннай кииҥҥэ Арассыыйа үтүөлээх тириэньэрэ Николай Николаевич Кычкин кэриэһигэр аналлаах сүүс харахтаах дуобакка Арассыыйатааҕы күрэхтэһии буолан ааста.
Тэрээһин «Биир ньыгыл Арассыыйа» баартыйа Уопсастыбаннай өйөбүлүн ыстаабын баазатыгар ыытылынна. Күрэхтэһии Дуобат дэкээдэтин чэрчитинэн ыытылынна.
Тэрээһин аһыллыытын сиэригэр-туомугар кыттааччыларга СӨ Физическэй култуураҕа уонна успуорка миниистирэ Леонид Спиридонов эҕэрдэ тылы эттэ.
«Бүгүн ураты күн. Биһиги Саха сирин эрэ буолбакка, Арассыыйа успуордун устуоруйатыгар аата көмүс буукубанан суруллубут, номоххо киирбит киһи төрөөбүтэ 85 сылыгар аналлаах күрэхтэһиини аһабыт. Николай Николаевич үтүөтүнэн Саха сирэ аан дойду таһымнаах спортсменнары бэлэмниир биллибит-көстүбүт киининэн буолбута. Сыыппаралар бэйэлэрэ барытын кэпсииллэр: аан дойдутааҕы бастыыр иһин күрэхтэһиилэр 51 чөмпүйүөннэрэ уонна призердара, Европа 36 чөмпүйүөнэ уонна призера, Арассыыйа 204 чөмпүйүөнэ уонна призера. Бу көдьүүстээх үлэ — дьыалаҕар муҥура суох бэриниилээх буолуу түмүгэ», — диэн миниистир бэлиэтээтэ.
Турнирга дойду сэттэ эрэгийиэниттэн 191 спортсмен кытынна. Күрэхтэһии бу күннэргэ эрдэттэн саҕаламмыта, бастакы үс тур оонньоммута. Турнир түмүктэннэ уонна кыайыылаахтар ааттара билиннилэр: эр дьон ортолоругар — бастакы миэстэ — Александр Георгиев, иккис- Александр Гетманский, үһүс — Иван Токусаров, дьахталларга бастакы -Матрена Ноговицына иккис — Тунаара Федорова, үһүс — Наталия Шестакова. Бэтэрээнээргэ эр дьон ортолоругар бастакы — Валерий Хорин, иккис -Макаров Игорь, үһүс — Василий Куприянов, дьахталларга бастакы — Анастасия Собакина, иккис — Мария Бырдыннырова, үһүс — Мария Терентьева.
Волонтердар кылааттара сыл аайы #МЫВМЕСТЕ норуоттар икки ардыларынааҕы гражданскай пуорумҥа бэлиэтэннэ. Быйыл пуорум ахсынньы 2-5…
Дьиэ подъеһын Саҥа дьылга киэргэтиини кыбартыыра хаһаайыннарын уонна салайар хампаанньа сөбүлэҥэ суох оҥордоххо 15 тыһыынча…
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ…
«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары…
Саха сирин кыттааччылара соторутааҕыта Москва куоракка ыытыллыбыт Бүтүн Арассыыйатааҕы “Мин бастыҥ уруогум” педагог идэтин маастарыстыбатын…
Ахсынньы 8 күнэ үүнэр түүнүгэр быыһааччылар Дьокуускай аттыгар ойуурга муммут дьону буллулар. Бу туһунан Быыһыыр…