Хаартыска: Култуура, духуобунай сайдыы министиэристибэтэ.
Пекиҥҥэ саха норуодунай суруйааччыта Николай Лугинов «Время перемен» кинигэтэ кытай тылыгар тылбаастаммытын сүрэхтэниитэ буолла. Тэрээһин Арассыыйа култуурунай киинигэр ыытылынна. Лао Цзы аан дойдутааҕы уопсастыбатын бэрэссэдээтэлэ эппитинэн, Пекиҥҥэ тахсыбыт кинигэлэри былдьаһыгынан атыылаһан, бүтэрбиттэр.
Бу кинигэҕэ биһиги эрабыт иннинээҕи V – III үйэлэргэ кытай уонна хууннар сыһыаннарын туһунан суруллубут. Кытай тылыгар тылбааһы Харбиннааҕы педагогическай университет тылбаасчыттарын бөлөхтөрө (салайааччы Гань Юйцзе) оҥорбут.
Кинигэ сүрэхтээһинигэр Саха сириттэн дэлэгээссийэ тиийэн кытынна. Кытай ааҕааччылара айымньы бөлүһүөктүү ис хоһоонун, идиэйэтэ дириҥин, тыла-өһө ууһун-уранын бэлиэтээтилэр.
Маны тэҥэ, СӨ ускуустубатын үтүөлээх диэйэтэлэ Дьулустаан Бойтунов “Хуннские и монгольские мотивы” быыстапката турда уонна «Таас Тумус» документальнай киинэ кытайдыы тылбаастаммытын көрдөрдүлэр. Документальнай киинэни суруналыыс Евдокия Избекова уонна оператор Илья Жараев уһулбуттар.
Николай Лугинов кытай тылыгар тылбаастаммыт, Кытай биллэр кинигэ кыһатыгар бэчээттэммит кинигэлээх бастакы саха суруйааччыта буолар. Кытай ааҕааччылара саха литературатын кытта билсиилэрэ саҕаланна.
Тэрээһин судаарыстыбаннай сүбэһит Андрей Борисов бырайыагынан Пекиҥҥэ ыытыллыбыт «Искусство Земли Олонхо» бэстибээлигэр тирэҕирэр. Ону тэҥэ, нуучча, кытай, саха операларын премьералара: Суорун Омоллоон аатынан Опера, балет тыйаатыра туруорбут «Князь Игорь» (Александр Бородин), Олоҥхо тыйаатыра туруорбут «Пионовая беседка» (Мин Тан Сяньзу), Куньцюй кытай операта хардаран туруорбут «Светлоликая Туйаарыма Куо» (Платон Ойуунускай) опералара доҕордуу сыһыаны өссө бөҕөргөппүтитэрэ.
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…