Салгыы
Николай Миронов: Барыбыт олоҕор улахан суолталаах биир уопсай дьыаланы туруулаһабыт!

Николай Миронов: Барыбыт олоҕор улахан суолталаах биир уопсай дьыаланы туруулаһабыт!

Ааптар:
14.03.2023, 12:45
Хаартыскаҕа Сергей Бурдаков түһэриитэ.
Бөлөххө киир:

Алданнааҕы мэдиссиинэ кэллиэһин дириэктэрэ Николай Миронов санаатын үллэһиннэ.

Кини биһиги байыаннай сулууспалаахтарбыт ытык иэстэрин толорон, этэҥҥэ эргиллэн кэлэллэрин туһугар итиэннэ дьиэ кэргэттэригэр кинилэри суохтаппат туһугар көмөнү, өйөбүлү оҥорууга бары бүттүүн күүһү түмэрбит наадалааҕын бэлиэтээтэ:

— РФ Бэрэсидьиэнэ Владимир Путин байыаннай сулууспалаахтар дьиэ кэргэттэригэр көмөлөһүүнү, өйөөһүнү барыбыт ытык эбээһинэспит диэн куруук бэлиэтээн этэр. Соторутааҕыта Бэрэсидьиэн байыаннай сулууспалаах дьиэ кэргэнин чилиэнэ буолары туоһулуур социальнай пааспар быһыытынан дастабырыанньалары биэрии уопутун дойду үрдүнэн олоххо киллэрэргэ эппитэ. Бу улахан суолталаах уонна кэмигэр сөптөөх дьаһал буолар.

Биһиги өрөспүүбүлүкэбитигэр маннык уопут бэлиэр олоххо киирбитин бэлиэтиир тоҕоостоох. Ил Дархан Айсен Николаев уонна бырабыыталыстыба бу дьиэ кэргэттэргэ өйөбүлү оҥорууга көдьүүстээх саҥа дьаһаллары ылына, киллэрэ олороллор.

Маны таһынан улуустар, куораттар муниципальнай тэриллиилэрэ бу дьыалаҕа тус кылааттара улахан. Ол курдук кинилэр өттүлэриттэн байыастарбыт дьиэ кэргэттэригэр көрсүллэр олох-дьаһах араас кыһалҕаларын быһаарыыга көмө күннэтэ кэриэтэ оҥоһулла турар. Маннык кыһалҕалартан сорохторо өрөспүүбүлүкэ таһымыгар ылыллар сокуоннарга уларытыылары, эбиилэри киллэриинэн быһаарыллаллар.
Биһиги барыбыт олоҕор улахан суолталаах биир уопсай дьыаланы туруулаһабыт! Бары сомоҕолоһуоҕуҥ!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 16°C
  • Ощущается: 14°Влажность: 25% Скорость ветра: 3 м/с

Сообщить об опечатке

Текст, который будет отправлен нашим редакторам: