Хаартыска: Саха сирин Суруйааччыларын сойууһа.
Быйыл Николай Неустроев аатынан литературнай бириэмийэни драматург, суруйааччы Утум Захаров ылла. Бу бириэмийэни «Саха сирин суруйааччылара» ассоциация олохтообута, эдэр, кэскиллээх ааптардарга бэһис сылын бэриллэр.
Бу иннинэ бириэмийэни Харыйалаах Уола, Надежда Ильина, Василий Рожин, Анатолий Храмов ылбыттара. Бириэмийэ 100 тыһыынча солкуобай харчылаах.
Бириэмийэ лауреатын хамыыһыйа быһаарар, манна ассоциация бэрэссэдээтэлэ Олег Сидоров, Саха сирин Суруйааччыларын сойууһун бэрэссэдээтэлэ Гаврил Андросов, Саха Өрөспүүбүлүкэтин Суруйааччыларын сойууһун бэрэссэдээтэлин э.т. Владислав Доллонов, Литературнай түмэл дириэктэрэ, норуодунай суруйааччы Николай Лугинов үлэлээтилэр.
2025 сылга саха литературатын төрүттээччилэртэн биирдэстэрэ Николай Денисович Неустроев төрөөбүтэ 130 сыла буолар. Онон кини үбүлүөйдээх сылын тэрээһиннэрин кэпсэтэр сүбэ мунньахха Н.Неустроев аатын сүгэр «Смарт» бибилэтиэкэҕэ бириэмийэни туттардылар.
— Эһиил саха литературата төрүттэммитэ 125 сылын, Николай Неустроев төрөөбүтэ 130 сылын бэлиэтиэхпит. Онон эдэр суруйааччыларга туттарыллар бириэмийэ Судаарыстыбаннай бириэмийэ буоларыгар баҕарабыт. Атын национальнай өрөспүүбүлүкэлэри ылан көрдөххө, татаардар Муса Джалиль аатынан, башкирдар Шайхзады Бабич аатынан, казахтар Жалын бириэмийэлэри туттараллар. Бу эдэр ааптардар өссө да элбэҕи айыахтара-суруйуохтара турдаҕа. Онон кинилэргэ эрэнэн туран, судаарыстыба өттүттэн өйөбүл баар буолуон баҕарабыт, — диэн Гаврил Андросов эттэ.
Ыспыраапка:
Утум Захаров Тааттаттан төрүттээх, юрист, археолог-этнолог идэлээх. «Коркин. Андаҕар», «Маһары. Ыраахтааҕыга айан» драмалара Саха тыйаатырын сыанатыгар турбуттара. Хас да пьесалаах. 2019 сыллаахха Арассыыйа биллэр драматура Вячеслав Дурненков маастар-кылаастарыгар, айар лабораториятыгар үөрэммитэ.
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…