СӨ Аҕа баһылыгын иһинэн үлэлиир инновационнай менеджмент Үрдүкү оскуолатын аактабай саалатыгар РФ Бэрэсидьиэнэ Владимир Путин сыл түмүгүн таһаарар улахан пресс-кэмпириэнсийэтигэр үгүс киһи кэлэн болҕомтолоохтук олорон иһиттэ.
Тэрилтэ үлэһиттэрэ суолталаах тэрээһиҥҥэ кэлбит дьону итии чэйдээх көрүстүлэр. Онон дьон киирэ-тахса чэйдээн, дойду Аҕа баһылыгын этиитин миэстэтигэр истэн, санааларын атастаһалларыгар бэртээхэй усулуобуйа тэриллибит.
Ыраахтан-чугастан кэлбит дьон ортолоругар Мииринэй куораттан сылдьар норуот дьокутаата, Мииринэй куораты итиинэн, уунан хааччыйар тэрилтэ дириэктэрин солбуйааччы Николай Ноттосов баар. Кини санаатын маннык үллэһиннэ:
— РФ Бэрэсидьиэнэ Владимир Путин олох сайдыытыгар туһуламмыт боппуруостары ырытыытын болҕойон иһиттим. Мин үлэбэр сыһыаннаах олорор дьиэ, хомунаалынай хаһаайыстыба боппуруостарыгар болҕомто уурулунна. Дойду Аҕа баһылыга демография боппуруоһугар ордук тохтоото. РФ Бэрисидьиэнэ Владимир Путин Чечня уонна Тыва өрөспүүбүлүкэлэрин элбэх оҕо төрөөбүт эрэгийиэннэрин быһыытынан ааттаабытын сэргии иһиттим. Ил Дархан Айсен Николаев бэйэтин Анал этиитигэр оҕо төрөөһүнэ элбиирин туһугар үгүс өйөбүл оҥоһулларын бэлиэтээбитэ. Былырыын кини Мииринэйгэ Саха сирин мөлүйүөннээх олохтооҕо төрөөбүтүн туһунан үөрүүлээх быһыыга-майгыга иһитиннэрбитэ. Гаврил уонна Арина Онуфриевтары чугастык билэр дьонум, онон кинилэр оҕолоро — Саха сирин мөлүйүөннээх олохтооҕо төрөөбүт дойдутуттан сылдьар буолан буолуо, дойду Аҕа баһылыгын эһиилги этиитигэр элбэх оҕолоох эрэгийиэннэр ортолоругар Саха сирин ааттыыра буоллар диэн санаалаахпын. Быһата, өрөспүүбүлүкэбит элбэх оҕолоох ыаллар эрэгийиэннэринэн буолуон баҕарабын».
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…