Хаартыска: sakha.gov.ru
Байыаннай эпэрээссийэ кыттыылааҕа, Чуумпу акыйааннааҕы муора пехотатын 155-с биригээдэтин сержана Николай Потапов Арассыыйа Бэрэсидьиэнэ Владимир Путин РФ Судаарыстыбаннай Дууматыгар Этиитигэр байыаннай эпэрээссийэ байыастарын өйүүр миэрэлэри көҕүлээһинэ кэмигэр уонна сөптөөх диэн санаатын үллэһиннэ.
«Медик уонна байыас быһыытынан, байыаннай дьайыыга эмсэҕэлээбит байыас чөлүгэр түһэрэ уустугун билэбин. Судаарыстыбаннай пуонда социальнай, мэдиссиинискэй, психологическай көдьүүстээх өйөбүлү оҥороругар, санаторнай-курортнай эмтэнии уонна чөлгө түһүү боппуруостарын быһаарарыгар, байыаннай эпэрээссийэ бэтэрээннэригэр уонна кинилэр дьиэ кэргэттэрин чилиэннэригэр үөрэххэ, үлэнэн хааччыллыыга, бэйэ дьарыктаах буолуутугар, квалификацияны үрдэтэригэр, саҥа идэни ыларыгар көмөлөһөрүгэр эрэнэбин», — диэн этэр Николай Потапов.
Өрөспүүбүлүкэтээҕи реабилитациялыыр уонна спортивнай мэдиссиинэ киинигэр 75 байыас доруобуйатын чөлүгэр түһэриигэ сылдьыбыт. Санаторнай-курортнай эмтэниигэ 16 киһи уонна «Бэс Чагда» санаторийга байыаннай сулууспалаахтар дьиэ кэргэттэриттэн 17 киһи сылдьыбыт. Маны таһынан, байыаннай эпэрээссийэ кыттыылаахтарын дьиэ кэргэттэригэр, 450 киһиэхэ мэдиссиинэ көмөтө оҥоһуллубут, таһыттан 421 көмөнү ылбыт.
Ил Дархан Айсен Николаев ыйааҕынан өрөспүүбүлүкэҕэ байыаннай сулууспалаахтар дьиэ кэргэттэрин өйүүргэ миэрэлэр ылыллыбыттара, биир кэмнээх материальнай төлөбүр, оҕолорго босхо аһылык, сынньалаҥ лааҕырдарыгар путевкалар, дьиэлэригэр гаас киллэриитигэр көмөнү оҥоруу,о.д.а.
Быйылгы сылга байыаннай сулууспалаахтарга уонна кинилэр дьиэ кэргэттэригэр өйөбүлү оҥоруу миэрэлэрин киллэрии үлэтэ салҕанар.
СӨ Ил Дарханын уонна СӨ Бырабыыталыстыбатын пресс-сулууспата
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Андрей Георгиевич Турантаев (17.10.1915 с-18.09.2005 с.) - СӨ култууратын үтүөлээх үлэһитэ, Аҕа дойду Улуу сэриитин…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…