Хаартыскаҕа Светлана Слепцова түһэриитэ
Бүгүн “Булчут күнүн” көрсө бөрөһүттэр “Бөрөнү сиринэн бултааһын, аныгы ньымалар уонна бултааһын ньымалара” сэминээргэ түмүстүлэр.
Сэминээри киирии тылынан СӨ Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Николай Додохов арыйда. Кини бу адьырҕалар таһаарар хоромньуларын, ону бултааһыҥҥа көрүллэр үп-харчы боппуруоһугар тохтоото. Николай Васильевич этэринэн, былырыын бөрөлөр 6000 табаны, 200 сылгыны тардыбыттара бэлиэтэммит. Быйыл соҕотоупкаһыттарга 15 мөл солк. көрүллүбүт.
Сэминээр үлэтигэр “Русский охотничий журнал” кылаабынай эрэдээктэрэ, айанньыт, суруналыыс, булчут, идэтийбит биолог-охотовед Михаил Кречмар кытынна. 12 сыл тахсар сурунаал эрэдээктэрэ өрөспүүбүлүкэ булчуттарын туһунан бу сурунаалга таһаарыам диэн эрэннэрдэ. Бөрө таһаарар хоромньута биир ситимҥэ түмүллүөн наадатын эттэ.
Амматтан Евгений Егоров 3 мөл гектардаах сиргэ 10 бөрөһүт бултуурун, 2015 сылтан бөрө ахсаанын сүрүннээһини саҕалаабыттарын эттэ. Уонна биир түгэни бэлиэтээтэ, сороҕор бөрө элбээтэ диэн муниципальнай тэриллии бириэмийэ харчы көрдөҕүнэ олус элбэх киһи сонордоһо тахсан, үргүтэн кэбиһэллэрин аҕынна. Бөрөһүттэргэ олус наадалаах туут хайыһары атыыласпытын көрдөрдө. Ону олус сэҥээрдилэр.
Сунтаар булчута бу дьиҥнээх бөрөһүт-булчуттар бөлөхтөрүн бассаапка хаттаан тэрийиэххэ, бөрөнү бултааһыҥҥа төлөнөр харчыны хойутаппакка биэриэххэ диэн этии киллэрдэ. Мииринэйтэн судаарыстыбаннай иниспиэктэр Владислав Александров ордук Арктика оройуоннарыгар буранынан сылдьалларыгар уматык боппуруоһа сытыытык турарын, бу тустаах булчукка олус ороскуоттааҕын санатта. Николай Сметанин бастыҥ бөрөһүттэргэ “Бураны” биэриэххэ диэн быһаччы этиилээх. Дьокуускай к. булчуттар мобильнай биригээдэлэрин салайааччыта Вадим Николин бииргэ бултуур дьонун кытта илдьэ кэлбит тэриллэрин (“Урал-7” хапкаантан саҕалаан) кэпсии-кэпсии көрдөрдө. Ити курдук, бөрөһүттэр көрсөр кыһалҕаларын үллэһиннилэр, уопуттарын атастастылар. Сэминээр үлэтэ салҕанар.
Видео: Женни Стрюкова
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…