СӨ Ил Дарханын уонна Бырабыыталыстыбатын пресс-сулууспата
Саха сирин икки Арассыыйа Дьоруойа Николай Соболев уонна Дмитрий Куценко 85 киһи ахсааныгар «Дьоруойдар кэмнэрэ» бырагыраамаҕа киирдилэр. Үөрэхтэрин бэс ыйыттан саҕалыахтара.
«Бу бырагыраамаҕа кыттааччылар холобур буолар миссияны сүгэллэр. Манна байыаннай сулууспа сулууспа саҥа көрүҥэр уларыйар. Дьоруойдарбытынан киэн туттабын. Бу чахчы күүстээх дьон уонна дойду аныгы историятыгар суруллан киирэллэр. Ис дууһабыттан кинилэргэ ситиһиилэри баҕарабын!», -диэн Ил Дархан Айсен Николаев эҕэрдэлээтэ.
«Дьоруойдар кэмнэрэ» — анал байыаннай дьайыы кыттыылаахтарыгар анаммыт үөрэх бырагыраамата. Арассыыйа Бэрэсидьиэнэ Владимир Путин сорудаҕынан РАНХиГС судаарыстыбаннай управлениетын Үрдүкү оскуолатын «Сенеж» мастарыскыайын баазатыгар олоххо киирэр.
Бырагыраама сыала-соруга — судаарыстыбаннай уонна муниципальнай былаас уорганнарыгар, ону тэҥэ судаарыстыбаннай хампаанньаларга үрдүк квалификациялаах, компетентнай салайааччылары бэлэмнээһин буолар. Бырагыраама управление аныгы ньымаларын уонна технологияларын үөрэтии, хамаанданан үлэлээһин, лиичинэс сайдыытын көрдөрөр.
Сүүмэрдээһини ааһарга тестирование, эссе суруйуохха наада. Үөрэх уһуна икки сыл курдук.
Санатан эттэххэ, «Дьоруойдар кэмнэрэ» бырагыраама кыттыылааҕа Арассыыйа Дьоруойа Игорь Юргин буолбута. Үөрэҕин ситиһиилээхтик түмүктээн СӨ Ыччат дьыалаларыгар уонна социальнай коммуникацияларын министиэристибэтин салайбыта. Билигин Игорь Юргин дойду Үөрэҕирии министиэристибэтигэр үлэтин салгыыр. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…