Хаартыска СӨ экологияҕа министиэрситибэтин пресс-сулууспатыттан
“Саха сирэ – Дьоруойдар дойдулара» каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын суох оҥорууга, чөлүгэр түһэрэр үлэлэри тэрийиигэ дириэксийэ салайааччыта Николай Соловьев үлэтин быыһыгар СӨ Экологияҕа, айылҕаны туһаныыга уонна ойуур хаһаайыстыбатын министиэристибэтигэр стажировкалана сылдьар.
Бастакы күнүттэн бырагыраама кыттыылааҕа биэдэмэстибэ үлэтигэр көхтөөхтүк кыттыста, айылҕа харыстабылын боппуруостарыгар улахан интэриэстээҕин көрдөрдө. Стажировка бастакы кэрчигэ министиэристибэ аппараатыгар ааспыта, онно кини ис тутулу уонна департаменнар, структурнай салаалар үлэлэрин сиһилии билсибитэ.
Бу нэдиэлэҕэ стажировка бырагыраамата министиэристибэ тустаах салааларыгар үлэҕэ туһуланар. Чуолаан, Николай Анатольевич Дьокуускайдааҕы судаарыстыбаннай экологическай кэтэбил кэмитиэтигэр сырытта, онно салайааччыны солбуйааччы Петр Корякин көрүстэ. Ону тэҥэ анал байыаннай дьайыы кыттыылааҕа киин куорат сиригэр-уотугар булду тэрийии нормативнай-быраабын уратыларын, ол иһигэр бултуур болдьохтору, быраабылалары уонна көҥүлү ылыы процедураларын билистэ.
Петр Корякин стажер үлэтин маннык бэлиэтээтэ: «Николай Анатольевич уопуттаах салайааччы уонна биһиги кэллиэгэбит. Министиэристибэҕэ стажировканы ааһар, манна кинини билэллэр уонна сыаналыыллар, инникитин профессиональнай сайдыытыгар туһалаах түһүмэх буолуоҕа диэн эрэнэбин. “Саха сирэ – Дьоруойдар дойдулара” каадыр бырагырааматыгар кыттыы, саарбаҕа суох, өрөспүүбүлүкэ туһугар үлэлииригэр салгыы тирэҕинэн буолуоҕа».
Владимир Путин быйыл от ыйын 31 күнүнээҕи 301-РП №-дээх дьаһалынан, ыччакка патриотическай иитиигэ уонна көхтөөх…
Быйыл "Дыгын оонньууларыгар" кыайбыт Борис Сдвижкову төрөөбүт-үөскээбит Амма улууһугар чиэстээтилэр. Дьэ, тугу бэлэхтээтилэр? Амма…
Нерюнгри улууһун 26 саастаах олохтооҕор буоста үлэһитэ буолабын диэн эр киһи эрийэн, сурук кэлбитин, ону…
Эрэгийиэннэр Доруобуйа харыстабылын министиэристибэлэрэ быраастар үөрэхтэрин бэрэбиэркэлиир уонна онно аналлаах регистр оҥоһулларын өйөөтүлэр. Маннык дааннайдары…
Быйыл өрөспүүбүлүкэҕэ биэс фельдшерскэй-акушерскай пууну, быраас амбулаториятын уонна фельдшерскэй пууну үлэҕэ киллэрэр былааннанар. Бары эбийиэктэр…
Саха сирин балыксыта күөлгэ тууга дьикти харамайдары булбут. Бу динозаврдарга холоотоххо, ол кэмтэн ордон хаалбыт…