Бүгүн, ыам ыйын 8 күнүгэр, Саха сиригэр успуорт уонна физическай култуура сайдыытыгар сүҥкэн кылааты киллэрбит салайааччы, саха саарына Николай Тарскай төрөөбүтэ 100 сылын Дьокуускайга уонна Уус Алдан улууһугар киэҥник бэлиэтиэхтэрэ, араас тэрээһиннэр ыытыллыахтара.
Бу күн сарсыарда «Саха» НКИХ «Саҥа күн» биэриигэ Тарскай туһунан кэпсиэхтэрэ, бэлиэ күн ураты суолтатын, инники торумнарын билиһиннэриэхтэрэ. Күнүс 12:00 чаастан, үгэс быһыытынан, «Туймаада» успуорт уораҕайын аттыгар Тарскай бюһун иннигэр миитин уонна сибэкки дьөрбөтүн ууруу тэрээһиннэрэ ыытыллыахтара. Эбиэттэн киэһэ, күнүс 15:00 чаастан, Бырабыыталыстыба 2 №-дээх дьиэтин актовай саалатыгар Тарскай төрөөбүтэ 100 сылыгар «төгүрүк остуол» буолуоҕа уонна саҥа бэчээттэнэн тахсыбыт кинигэни билиһиннэриэхтэрэ. Оттон бу күн, киэһэ 19:15 чаастан, «Саха» НКИХ «Олох үөһүгэр» биэрии Тарскайга ананыаҕа.
Ону кытта Николай Тарскай төрөөбүт Уус Алданыгар бэлиэ күнү киэҥник бэлиэтиири былаанныыллар. Бороҕоҥҥо «Майаҕатта Бэрт Хара» стадиоҥҥа сарсыардааҥҥы сэрээккэ, улуус оскуолаларыгар Тарскайга аналлаах кылаас чаастар, итиэннэ саҥа тутуллан үлэҕэ киллэриллибит успуорт комплексын эбийиэгин иннигэр Н.Н. Тарскай пааматынньыгын үөрүүлээхтик аһыылыыта буолуоҕа. Баатаҕайга олохтоохтор биир дойдулаахтарын ахтан-санаан ааһыахтара, бюһун иннигэр сибэкки дьөрбөтүн ууруохтара.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…