Николай Валуев «Азия оҕолорун» Волонтерскай куорпуһугар сырытта

Бүгүн, бэс ыйын 28 күнүгэр, «Азия оҕолоро» оонньуулар Волонтерскай куорпуһугар  Госдуума туризмҥа, туристическай инфраструктураны сайыннарыыга кэмитиэтин бэрэссэдээтэлин бастакы солбуйааччыта, буокса легендата   Николай Валуев уонна Ил Түмэн ыччат дьыалаларыгар, физическэй култуураҕа уонна спорка бастайааннай кэмитиэтин бэрэссэдээтэлэ   Георгий Балакшин ыалдьыттаатылар.

Волонтердарга бу көрсүһүү соһуччу үөрүүнэн буолла.  Николай Сергеевич уонна  Георгий Русланович көрсүһүү кэмигэр  волонтердары хайҕаатылар уонна үлэлэригэр ситиһиилэри баҕардылар.

Көрсүһүү чэрчитинэн Волонтерскай куорпус салайааччыта  куорпус үлэтин туһунан кэпсээтэ.  Айыллаан Васильевич ыалдьыттарга өйдөбүнньүк быһыытынан «Азия оҕолоро» оонньуулар  сувенирдарын бэлэхтээтэ.