Хаартыска Нам улууһун дьаһалтатын пресс-сулууспатыттан
Бэҕэһээ, алтынньы 5 күнүгэр, Нам улууһун дьаһалтатын мунньахтыыр саалатыгар элбэх оҕолоох ыалларга сир учаастактарын сертификатын улуус баһылыга Юрий Слепцов уонна Никольскай нэһилиэгин баһылыга Алексей Кривогорницын үөрүүлээх быһыыга-майгыга туттардылар.
Юрий Иннокентьевич улууска элбэх оҕолоох ыаллары сиринэн хааччыйыы боппуруоһугар былааннаах үлэ барарын иһитиннэрдэ. Ол курдук, былырыын, 2022 сылга 583 сир учаастага түҥэтиллибитэ диэн Нам улууһун дьаһалтатын пресс-сулууспата иһитиннэрэр.
«2024 сылтан саҥа түөлбэлэргэ суол-иис оҥоһуллуутугар, гаас, уот ситимнэрэ тардыллыытыгар тиһиктээх үлэлэр саҕаланыахтара, онон учаастак ылбыт ыаллар дьиэ-уот тутуутун саҕалыыргытыгар ыҥырабын», – диэтэ улуус баһылыга Юрий Слепцов.
Никольскай нэһилиэгин баһылыга Алексей Карлович сир учаастагын ылбыт ыаллары эҕэрдэлээтэ уонна түҥэтиллибит 67 учаастак нэһилиэк соҕуруу өттүгэр хатыҥ чараҥынан сууланан турар, көнө ньуурдаах Азаров бааһынатыгар баарын эттэ.
Нам улууһун дьаһалтатын баайын-дуолун кэмитиэтин салайааччыта Святослав Белолюбскай түҥэтиллибит сирдэр бары кадастровай нүөмэрдээхтэрин уонна уһаайба аайы бэлиэ мастар (колышкалар) анньыллыбыттарын эттэ. Кэлэр нэдиэлэттэн сир ылбыт дьоҥҥо уһаайбаларын ыйан-көрдөрөн биэриэхпит диэтэ.
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…