Хаартыскаҕа А.Корякина түһэриитэ
Нам улууһун Никольскай нэһилиэгэр СӨ сыана бэлиитикэтигэр судаарыстыбаннай кэмитиэтин бэрэссэдээтэлэ, Нам улууhун куратора Антонина Винокурова салайар быырабыталыстыба чилиэннэрин иккис бөлөҕө ситэриилээх былаас ааспыт сыллааҕы үлэтин түмүгүн иһитиннэрдэ.
Олохтоохтор ыйытыылара, туруорсуулара сүрүннээн тыа хаһаайыстыбатын салаатыгар сыһыаннаах буолла. Ол курдук, үүт харчыта, уматык сыаната үрдээһинэ улуус бары нэһилиэктэрин долгутарын курдук, бу да нэһилиэк олохтоохторо эмиэ ити боппуруостарга тохтоотулар. Ханна буоларын курдук, өртөөһүнү эмиэ таарыйдылар. “Балбаах сокуона” манна эмиэ сытыытык турда. Сокуон барыла төһө эмэ кэтэх хаһаайыстыбалаах дьону таарыйбатын туһунан тустаах исписэлиистэр быһаара сатыылларын үрдүнэн, бары улуустарга бу боппуруоһу анаан тоһоҕолоон ыйыталлар. Дьиктитэ баара, үгүс сиргэ «батсаапка суруйбуттарынан» диэн хайаан да бэлиэтээһиннээх буолар. Тыа сирин дьоно бултаан аһыылларын хааччахтыыр ыстарааптыыр сокуоннар (балыктааһын, бултааһын) күн-түүн элбээн иһэрэ бу нэһилиэк олохтоохторун эмиэ долгутар.
Оттуур ходуһаҕа айанныыр суолу-ииһи дьон-сэргэ ылыммыт бэйэ көҕүлээһинин бырагырааматыгар (ППМИ) киллэрии боппуруоһа сонуннук иһилиннэ.
Никольскай олохтоохторо тыын боппуруостара — оскуола-уһуйаан уонна ФАП тутуута. “Киэҥ хонуу» кыбаарталга саҥа бэриллибит уһаайбаларга уот, гаас ситимэ хаһан тардылларын эмиэ туоһуластылар.
Нэһилиэк олохтоохторугар отчуоту ыытар бырабыыталыстыба чилиэннэрэ бэйэлэрин эппиэттиир салааларынан толору хоруйдары биэрэн, олохтоохтор көрсүһүүттэн бэрт элбэҕи биллилэр, иһиттилэр. Бырабыыталыстыба ыытар үлэтин сэргииллэрин, биһирииллэрин биллэрдилэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…