НОЦ «Север» сүрүн соруга — 2025-2030 сылларга дьон олоҕун хаачыстыбатын тупсарыы буолуоҕа. Саха сирин аҕа баһылыга Айсен Николаев балаҕан ыйын 22 күнүгэр эрэгийиэннэр икки ардыларынааҕы научнай-чинчийэр киин кэтээн көрөр «Север: территория устойчивого развития» сэбиэтин сугулаанын ыытта.
Кэтээн көрөр сэбиэт бэрэссэдээтэлэ Айсен Николаев бэлиэтииринэн, бу киини үлэ хайысхатыгар уларыйыылар күүтэллэр. Кини этэринэн, НОЦ бырагыраама сүрүн сыалынан 2021-2024 сылларга РФ биисинэһин уонна субъектарын салайааччыларын научнай бэбиэскэҕэ тардыы этэ. 2025-2030 сыллар саҕахтарыгар НОЦ «Север»сүрүн сыаллаах-соруктаах үлэтинэн наука бородуукталарын оҥоруу уонна дьон олоҕун хаачыстыбатын тупсарыы буолуоҕа.
«Саарбаҕа суох бырайыактыыр хамаандалар үлэлэрин сыаналаан, өйөөн туран, биһиги научнай-техническэй сайдыы актуальнай наадатын көрдөрөр хаачыстыбалаах түмүккэ болҕомто ууруохтаахпыт. Эһиил биһиги 2025-2030 сылларга бырагыраманы икки блокка уларытыахпыт. Ол курдук салаанан уонна эрэгийиэннээҕи диэҥҥэ», – диэн бэлиэтээтэ Айсен Николаев.
Салаанан блокка национальнай масштабтаах уонна уопсай НОЦ тиэмэтин хабар бырайыактар киириэхтэрэ. Бу бырайыактар саҥа технологиялары киллэрии суотугар үрдүк таһымҥа тахсарга көмөлөһүөхтэрэ. Эрэгийиэннээҕи блокка эрэгийиэннэр киэҥ сайдыыларыгар туһуланар бырайыактар киириэхтэрэ.
«Кэллиэгэлэрим, барыгытын көхтөөх кыттыыны бу үлэҕэ ыларгытыгар ыҥырабын. Бары бииргэ хаачыстыбалаах түмүктэри ситиһиэхпит диэн эрэнэбин. Саҥа наука бородуукталарын оҥорон дьон-сэргэ олоҕун хаачыстыбатын тупсарыахпыт», – диэтэ Айсен Сергеевич.
Ааспыт сыл түмүгүнэн, НОЦ «Север» аан дойду таһымыгар иккис бөлөххө киирбит. Онон киин 121 мөлүйүөннээх граҥҥа тиксибит.
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…
Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…
Бүгүн, атырдьах ыйын 31 күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…